Pas tensioneve dhe kërcënimeve, Pjerin Xhuvani, viktima e një krimi të paralajmëruar

Dita e verës në Elbasan ishte dita e paralajmërimit të një krimi, dhe dita e 21 Prillit ishte dita kur u trash u zullumi dhe ai u këput. Fatkeqësisht u këput me një humbje jete por nuk përfundoi me ulje tensioni por me nxehje gjakërash dhe akuzime nga të dyja palët ndonëse vrasësi, ish-pjesëtar i RENEA, Arbër Peplekaj, shkoi dhe u vetëdorëzua tek komandanti i këtij njësiti special kur drama politike vazhdoi edhe me shumë akte, përkundër thirrjes së Ambasadores së SHBA, Yuri Kim.

Gjithçka filloi kur një furgon është pikasur si i dyshimtë se po shpërndante para dhe për këtë arsye është njoftuar policia e Elbasanit. Dhe ishte PD që ka sinjalizuar policinë se një automjet pa targa po qarkullonte në qytet, dhe sipas tyre, po shpërndante para, kishte karta ID të votuesve dhe fletë votimi.

Në mungesë të forcave të rendit, pjesëtarët e dy shtabeve elektorale PD-PS u konfliktuan dhe aty u shfaq ai cili “vuri rendin” në Ditën e verës në Elbasan, Pjerin Xhuvani, i cili u pa se kishte dhe kompetencë të shqelmoj edhe qytetarë të pafajshëm. Prezenca e kësaj fryme tensionoi situatën, dhe pas vrasjes, autori Arbër Paplekaj tha se ishte vetëmbrojtur dhe mbetet drejtësia ta thotë fjalën e fundit.

Dhe, kur gjithçka dihej dhe askush nuk po fliste, drejtuesi politik i PD për Qarkun Elbasan, Gazment Badhi, shprehet:

“Aty i kishit, pse s’i kapet, kapeni me median (u drejtohet policeve). Nuk kam shumë informacion, makina që shikoni atje është e mbushur me karta identiteti dhe para e drejtuar nga prej ekspenontëve të krimti të organizuar dhe vendngjarjen e shikoni vetë. Kaq kam për të thënë, janë një grup personash, shtabi elektoral i vetëm elektoral i Taulant Ballës në qytetin e Elbasanit,” tha Gazment Bardhi.

Në këto momente tensioni në Elbasan, përveç se mbeti i vrarë Pjerin Xhuvani, u plagosën efektivja e policisë, Xhensila Sota, 27 vjeçe, Emiljano Prenga, 39 vjeç dhëndri i viktimës, Eltjon Bodinakun, 32 vjeç, dhëndri i viktimës si dhe Pavlo Vuksani, 50 vjeç.

Në kërkim, raporton BW, është shpallur në kërkim Klement Xhaferri, një emër i njohur për policinë e Elbasanit. Ai akuzohet i përfshirë në incidentin tek tregu në Elbasan, në 2017-ën, ku përplasi me makinë zëvendës drejtorin e policisë së këtij qyteti.

Ndërkohë Policia e Elbasanit, dha një informacionin zyrtar për vrasjen e 56-vjeçarit Pjerin Xhuvani dhe plagosjen e 4 personave të tjerë, thotë se janë shoqëruar disa persona të dyshuar se kanë dijeni apo lidhje me ngjarjen si dhe është bërë e mundur vënia në pranga e autorit të vrasjes.

“Më datë 21.04.2021, rreth orës 14:00, në lagjen “5 Maji”, Elbasan, gjatë një konflikti është vrarë me armë zjarri shtetasi P. XH., si dhe janë plagosur shtetasit E. P., P. V. dhe E. B. Gjithashtu, në përpjekje për të parandaluar krimin është plagosur edhe punonjësja e Policisë e forcës së posacme “Shqiponjat”, XH. S.

Menjëherë në ndihmë të patrullës kanë shkuar shërbime të tjera të Drejtorisë Vendore dhe të Komisariatit të Policisë Elbasan, si dhe janë ngritur pika kontrolli në të gjihha akset rrugore në hyrje dhe dalje të qytetit të Elbasanit.

Gjithashtu, menjëherë është ngritur një grup i posaçëm hetimor i përbërë nga specialistë të hetimit të krimeve kundër personit në Drejtorinë Vendore të Policisë Elbasan, të Drejtorisë sē Krimeve Kundēr Personit e Pasurisë në Drejtorinë e Përgjithshme të Policisë së Shtetit dhe nën drejtimin e Prokurorisë së Rrethit Gjyqësor Elbasan po vijon intensivisht puna për fiksimin dhe administrimin e çdo prove materiale që do t’i shërbejë zbardhjes dhe dokumentimit të ngjarjes.
Ndërkohë janë shoqëruar në Drejtoritë Vendore të Policisë Elbasan dhe Tiranë, disa persona të dyshuar se kanë dijeni apo lidhje me ngjarjen, si dhe është bërë e mundur vënia në pranga e autorit të vrasjes, shtetasi A. P., ish-punonjës police”, deklaroi policia teksa thekson se vijon puna për kapjen dhe arrestimin e personave të tjerë të përfshirë në ngjarje.

Por mesazhet e liderëve politik nuk prodhuan qetësi por sërish u shfaqën tensione në orët e mbrëmjes në në fshatin Poro të Novoselës.

Rreth orës 18 e 30, persona të maskuar, ende të paidentifikuar kanë hapur zjarr ndaj lokalit në pronësi të Gjergji Nasit.

Ai i cili mbijetoi këtij breshëri automatiku në fshatin Poro në Novoselë, Enrik Mehmeti, tha se në momentin e sulmit në lokal kishte qenë vetëm ai dhe pronari i biznesit. Tha se kishte parë një person të veshur si polic kufiri dhe me automatik që hapi zjarr në drejtim të tyre duke shkrepur një karikatorë.

“Isha vetëm unë dhe i zoti i lokalit. Një person erdhi, po shihte nga xhami për të hapur derën. Dera hapur ishte. Ishte me syze dhe një kapele. Vetëm një ishte. E pandeva si polic kufiri se thashë; po ky këtu me automatik?! Nuk foli asnjë llaf. Që të dera qëlloi pa u futur brenda. Na qëlloi drejtpërdrejtë. Ishim larg vetëm 1 metra e gjys. Ka shkrepur një karikatorë. 28 plumba atje janë vrimat. Ne ikëm me vrap o vëlla, u larguam poshtë fshehurazi. E pamë që ishte në këmbë. Asnjë fjalë s’tha. Kur sheh dikë me armë, e ke mendjen tek arma. I veshur si me të errëta ishte. Unë s’di gjë pse ka ndodhur. Unë jam hallexhi, shikoj punën time. Mezi nxjerr bukën e gojës. S’di gjë që pse ka ndodhur. Nuk di gjë për çështje politike. Unë s’merrem me politikë fare. Unë nuk di gjë fare,” tha Enrik Mehmeti.

Ndërkohë policia jep dhe versionin e saj zyrtar:

“Më datë 21.04.2021, rreth orës 18:30, në fshatin Poro, Novosel, në rrethana ende të paqarta, dyshohet se  është qëlluar me armë zjarri në drejtim të lokalit në pronësi të shtetasit Gj. N. Nga verifikimet paraprake të bëra nga shërbimet e  Policisë, nuk ka persona të dëmtuar. Grupi hetimor dhe sherbimet e Policisë ndodhen në vendngjarje dhe po punojnë për zbardhjen e plotë e rrethanave të ngjarjes, si dhe mbledhjen e çdo prove që do çojë në identifikimin dhe kapjen e autorit.”