Pas tërheqjes së Biden, revista TIME flet për Kamala Harris
Revista TIME ka dalë me këtë faqe të parë pasi Joe Biden u tërhoq nga gara presidenciale në Shtetet e Bashkuara.
Pritet që Biden do zëvendësohet nga Kamala Harris, Zv/Presidentja aktuale amerikane.
Revista e njohur i ka kushtuar një vend të posaçëm Kamala Harris.
Why Joe Biden dropped out https://t.co/TLUwr4qvzv pic.twitter.com/HwFWKDAMxW
— TIME (@TIME) July 21, 2024
Ndryshe, ndonëse priten sondazhet e reja pas dorëheqjes së Presidentit Biden, dhe disa demokratë të njohur kanë hedhur idenë e rivotimit ku do të merrnin pjesë disa kandidatë për president, anketa e fundit para këtij vendimi të Presidentit të SHBA për një skenar hipotetik i jepte Kamala Harris 46 për qind të votave ndaj Donald Trump me 48 për qind; Sondazh në të cilin Joe Biden kishte mbështetjen e 44 për qind të votuesve ndaj Donald Trump me 47 për qind!
Ndërsa analistët rikujtojnë se kandidati më i preferuar ndër demokratë është bashkëshortja e ish-presidentit Obama, Michelle Obama, e cila në sondazhin e NBC mori 55 për qind ndër kandidatët demokrat ku Kamala Harris mori 42 për qind, por zonja Obama e rikonfirmoi sërish se nuk e ka ndërmend të kandidohet.
Ndërkohë e përditshmja Forbes shkruan për shumë favore që ka Kamala Harris. Ajo ka dobi nga emrat që njeh dhe mundet pa problem ta merr administratën e Biden. Ajo vjen gjithashtu me risqe të caktuara, duke përfshirë imazhin negativ si Zv/Presidente, raportet për disfunskionin në zyrën e saj dhe popullaritetin jashtëzakonisht të ulët.
