Pas tërmetit në Tiranë/ Të arrestuarit, Gjykata: 7 në burg, të tjerët të lirë!

Shtatë në burg, 12 në arrest shtëpie dhe 11 të tjerë detyrim paraqitje, ishte ky vendimi i Gjykatsës së Tiranës që u shpall sot për masat e sigurisë për 30 ish-zyrtarë, inxhinierë e ndërtues të akuzuar të dosjes “Tërmeti” që u arrestuan për shkak të dëmtimit të dhjetëra objekteve nga tërmeti.

Kështu, masën e sigurisë “arrest me burg”, gjyqtarja Vjollca Spahia vendosi për: Hodo Gjoni, Fejzi Dyrmyshi, Besnik Fuçia, Naim Shehi, Gëzim Shkalla, Fatbardh Plaku dhe Artur Skela.

Me detyrim paraqitje: Anila Harxhi dhe Reis Muça ku për të dy arrestimi u konsiderua i paligjshëm. Më pas, masa “detyrim paraqitje” u vendos dhe për Merita Kushe, Hekri Disha, Bukurije Halili, Adhurim Qehajaj, Zhaneta Tagani, Shpëtim Kërçiku, Jan Ikonomi dhe Ermir Cina.

Dhe, masën “arrest në shtëpi” Gjykata e Tiranës ka vendos për: Faik Fejza, Ndoc Pepkola, Mehmet Felai, Agim Eski, Pëllumb Korfuzi, Qirjako Gjergo, Asqeri Xhanari, Vjollca Hoxholli, Ali Dyrmyshi, Shefqet Doda, Gerti Calliku dhe Luan Beta.