Pas terrorit policor në Berat/ Procedohen 40 qytetarë
Pas përplasjeve dje në KZAZ në Berat janë proceduar penalisht 40 persona.
Mes të proceduarve janë edhe zyrtarë të bashkive të Beratit dhe Skraparit, mes tyre drejtori i Ndërmarrjes së shërbimit publik në Berat, Nëkryetari dhe Nënkryetarja, si dhe shefi i policisë bashkiake.
Njoftimi i policisë:
Berat
Në lidhje me ngjarjen e ndodhur dje më datë 19.06.2019, ku disa shtetas kanë tentuar të futen forcërisht në ambientet e KZAZ nr. 64 tek Pallati i Kulturës Berat dhe në ambientet e KZAZ nr. 66 tek Pallati Kulturës Skrapar, Specialistët e Seksionit për Krimet pranë Komisariatit Berat dhe Skrapar, pas veprimeve hetimore, identifikimin e personave me anë të pamjeve filmike dhe fotografike të administruara nga Policia, kanë referuar në gjendje të lirë 40 shtetas:
Konkretisht:
- E. B., 34 vjeç, banues në Tiranë (Sekretar Organizativ i PD)
- B. B., 35 vjeç, banues në Berat (N/kryetar i Bashkisë Berat)
- H. S., 50 vjeçe, banuese në Berat (N/kryetare e Bashkisë Berat)
- M. K., 32 vjeç, banues në Skrapar (Drejtor i Ndërmarrjes së shërbimit publik)
- K. Gj., 64 vjeç, (Shefi i Policisë Bashkiake Berat),
- G. P., M. M., A. R., D. B., F. C., M. K., E. D., punonjës të Policisë Bashkiake Berat.
- A. Z., A. G., J. M., A. Ç., A. I., punonjës të Policisë Bashkiake Skrapar.
Si dhe G. A., M. H., B. H., F. K., SH. M., K. E., E. Ç., M. V., R. Ç., S. Z., R. H., P. GJ., E. T., A. C., A. H., A. G., E. A., R. B., I. H., E. H., N. G., I. B., K. M., punonjës pranë këtyre Bashkive dhe mbështetës.
Materialet në ngarkim të këtyre shtetasve u referuan në Prokurorinë e Rrethit Gjyqësor Berat, për veprat penale “Organizimi dhe pjesëmarrja në grumbullime e manifestime të paligjshme”, “Kundërshtimi i punonjësit të Policisë së Rendit Publik”, “Prishja e qetësisë publike” dhe “Shkatërrimi i pronës”
