Pas terrorit policor të Lulzim Bashës, Berisha mbyll protestën: Së shpejti beteja tjetër, më e fuqishme se kjo…

Pas terrorit policor me urdhër të Lulzim Bashës ndaj protestuesve në selinë e PD dhe jo vetëm, lideri historik i Partisë Demokratike, Sali Berisha e mbylli protestën për sot duke paralajmëruar një betejë tjetër e cila nuk do të ndalet deri në fitore.

“Kjo protestë iu faktoi shqiptareve fytyrën e vërtetë të regjimit të sotëm. Ju faktoi në mënyrë përfundimtare se Edi Rama mban peng Lul Bravën dhe së bashku me të, me dhunë dhe terror, shtëpinë e PD-së. Ky përbën një akt të pashembullt në 30 vite. Përpjekjet për të shkuar në shtëpinë e lirisë, do të vazhdojnë deri në arritjen e qëllimit. Sot ne do të shpërndahemi,” tha Sali Berisha duke shtuar se duhet të kujdesen për personat e plagosur dhe të arrestuar.

“Do të kujdesemi që vëllezërit tanë dhe motrat e arrestuara. pasi janë vërsulur si bisha ndaj tyre për të mbushur komisariatet. Do të kujdesemi për të plagosurit, të cilët janë goditur me çarje koke dhe në forma të tjera. Do njofton shumë shpejt betejë tjetër të cilat nuk do të ndalen kurrë, deri në fitoren tonë.”

Ndryshe, mësohet se janë shoqëruar në polici 12 demokratë por jo dhe ata që kanë ushtruar dhunë ndaj tyre, dhe janë urdhëruar nga Lulzim Basha. Të arrestuar dhe dhunuar nga dora e Lulzim Bashës të cilën tashmë është e qartë që e lëviz Edi Rama.

Prokuroria e Tiranë ashtu si dhe Policia e Shtetit janë në vendin e ngjarjes, dhe epilogun i kësaj “estrade” tashmë varet nga vullneti i Edi Ramës meqë shqiptarët kishin rastin ta shohin me sytë e tyre se kush ishte dhunuesi dhe kush është dhunuar!