Pas thirrjes së Presidentit Trump, akuzuesja Kavanaugh kërkon kohë për të treguar se si është dhunuar!

Pas thirrjes që President i Shteteve të Bashkuara, Donald Trump, i bëri gruas që e akuzoi të emëruarin e tij për gjykatës të Gjykatës Supreme për sulme seksuale, të paraqitet para Kongresit amerikan për të rrëfyer historinë e saj, avokati i akuzueses Brett Kavanaugh për sulm seksual tha se “nxitimi” i Senatit ndaj një seance dëgjimore është “i panevojshëm”.

Lisa Banks thotë se klientja e saj, Christine Blasey Ford, është e gatshme të bashkëpunojë, por dëshiron një “hetim të plotë jopartiak” përpara dëshmisë së saj. Ford i është dhënë kohë deri të premten për të vendosur nëse ajo do të dëshmojë.

Gjyqtari Kavanaugh, 53 vjeç, thotë se akuza e sulmit, e cila daton nga vitet e adoleshencës, është krejtësisht e rreme.

Republikanët në komitet, raporton BBC, e dinë se duhet t’i japin asaj çdo mundësi për të treguar historinë e saj, por ata janë të bindur se kjo nuk është çështje e FBI-së dhe se demokratët po e përdorin çështjen për të penguar thjesht procesin e emërimit.