Pas vdekjes klinike të “Mandatit Zegjine”, Belinda Balluku asfikson fituesen, kthen në jetë Zegjinenë!
“Rasti i 10 votave diferencë mes Maldrita Bardhos dhe Zegjine Çaushit, sigurisht do të jetë një çështje që do të mbetet në diskrecionin e plotë të kandidateve për të proceduar më tej,” ishte kjo ndërhyrja e Zv/Kryeministres Belinda Balluku pas përfundimit të rinumërimit në Qarkun Fier kur rezultoi se deputetja e Edi Ramës, Zegjine Çaushi, duke bërë nul jo vetëm gjithë procesin e rinumërimit me të cili KQZ dhe organi i saj KAS u mundua ti bindë shqiptarët që në këtë proces zgjedhor edhe funksionon.
Kjo vdekje klinike e “Mandatit Zegjine” mund të ketë lumturuar për disa orë socialistët që u pështirosën nga Zegjineja gjatë fushatës, por atë që nuk e ka Kodi Zgjedhor, KAS dhe Ilirian Celibashi, e ka partia kriminale e Belindës: Diskrecionin!
Kandidatja fituese Maldrita Bardhos u mundua kot të na bindë se po i linte me shumë kënaqësi mandatin e saj, koleges dhe mikes time, Zegjine Çaushi, drjetuesja politike e PS në Fier dhe Zv/Kryeministrja Belinda Balluku se është çështje diskrecioni sepse Edi Rama gjithmonë çalon në politikë me vonesat e tij dhe i ka shkarë një detaj duke harruar ti thotë Maldritës mos u gëzo nëse fiton.
Kjo e shkreta u gëzua, lajmi mori dhenë, mandati i Zegjines ra në :vdekje klinike” dhe praktika kriminale e Edi Ramës u detyrua të veproi si në zgjedhjet e kaluara në Lezhë: Ik ti se kështu e do i madhi!
Kështu Zv/Kryeministrja Belinda Balluku përveç rastit me mandatin e Fierit dh evjedhjen e votave nga Zegjine Çaushi, sqaroi dhe arsyet pse SPAK nuk vepron: Vjedhja na qenka sipas regjimit, thjeshtë, diskrecion!
Reagimi i Maldrita Bardhos
Pasi ndoqa me vëmendje rinumërimin e votave për qarkun Fier, ndihem e lumtur dhe e nderuar që kontributi im i gjatë në Partinë Socialiste është vlerësuar nga bashkëqytetarët e mi dhe ata më kanë konsideruar të denjë për ti përfaqësuar në parlamentin shqiptar.
Megjithatë, unë kam marrë një vendim të rëndësishëm, që kam dëshirë ta ndaj me të gjithë, një vendim që e kam marrë përpara se të niste rinumërimi dhe që sot m’u përforcua përfundimisht.
Unë do të vijoj të kontribuoj për Partinë Socialiste dhe për Lushnjen, me të gjithë mundësitë e mia, por pa qenë pjesë e parlamentit shqiptar.
Do t’i lë me shumë kënaqësi vendin tim, koleges dhe mikes time, Zegjine Çaushi, Zegjinesë që ka luftuar ndoshta më shumë për skuadrën se sa për veten këtë fushatë, duke u vënë në shenjestër të sulmeve të pamerituara nga politika e vjeter, nga politika e përbaltjes që ka frikë nga zërat e rinj, Zegjinesë nga e cila sot më ndajnë vetëm 10 vota dhe që padyshim e meriton të jetë në sallën e Kuvendit, për të përfaqësuar të rinjtë, sidomos vajzat.
Ju falenderoj nga zemra thellësisht dhe do të jem aty për të gjithë ju që më votuat, me të njëjtin entuziazëm dhe forcë që vetëm ne socialistët kemi!
