Pas “vdekjes” së Gjykatës së Lartë, Soreca: Reforma sipas Kushtetutës; Të cilit shtet nuk e tha…

Ishte paralajmëruar si Konferencë për Monitorimin e Gjyqësorit, ndryshe prezenca Ambasadorit të BE, Luigi Soreca, në këtë event nga qytetarët e Shqipërisë do të nënkuptohej si festë qeveritare pas shkatërrimit edhe të Gjykatës së Lartë.

Ambasadori Soreca kur mori fjalën, nuk foli për “vdekjen” e Gjykatës Kushtetuese dhe atë të Gjykatës së Lartë por për vdekjen e Falcones, që dje kishte përvjetorin, ndonëse në shtetin ku ai punon si diplomat evropian as nuk ka Falcone dhe aq qeveri që lufton krimin.

Dhe, derisa shqiptarët vazhdojnë të jenë në pritje të një Vlahutini ndryshe, që mendon për standartet e qytetarëve dhe jo të Edi Ramës, në krah të ministres së Drejtësisë, Etilda Gjonaj, shfaqet po ajo Romana që nuk shihte parcelat me drogë, avionët me drogë dhe PPP-të kriminale, për të thënë se Reforma në Drejtësi është zbatuar në përputhje me Kushtetutën.

Me Kushtetutën e cilit shtet nuk e tha, ndoshta ishte edhe e panevojshme meqë shqiptarët e kuptojnë se pas “atentatit” mbi Gjykatën Kushtetuese dhe Gjykatën e Lartë, si dhe kujdesit që tregoi Vettingu ndaj dy prokuroreve më të konstestuara në Evropë, Arta Markut dhe Donika Prela, kjo Refromë vetëm me Kushtetutën e Shqipërisë nuk ka lidhje.

Gjithsesi Ambasadori Luigi Soreca tha:

“Reforma në drejtësi i ka dhënë një shtysë të re pjesëmarrjes së shoqërisë civile që jo vetëm monitoron sistemin, po janë aktorë të vetë sistemit. Ibrahimi dhe Llagami janë shembulli kryesorë, psai janë në krye të dy këshillave. Kjo reforma ka bërë një ndryshim të madh për sistemin e drejtësisë. Mesazhi im kyç sot është që t’u inkurajoj që të jeni pjesë aktive e sistemit të drejtësisë, është i juaji dhe përgjegjësia juaj për ta përforcuar. Dje në rastin e përvjetorit të vdekjes së Falcone-s citova një mesazh të të tij ‘një botë më e mirë nuk është thjeshtë ëndërr, por përgjegjësia e të gjithë neve’,” tha Soreca duek theksuar se Bashkimi Evropian është partneri juaj kryesor dhe si BE bëjmë të pamundurën që të keni të gjitha burimet e mjaftueshme financiare:

“Ne do të vijojmë që të japin mbështetjen tonë si partneritet në sistemin e drejtësisë. Kjo do të jetë një fushë kyce për mbështetjen tonë duke  menduar krerët 23 dhe 24 për integrimin. Shoqëria Civile është pjesë kyce e imunitetit të trupës gjyqësore. Sistemi do të duhet që të mbrohet, kjo punë na përket të gjithëve ne.”

Lugi Soreca është diplomat evropian, por kur një shtetas italian këshillon shqiptarët të refuzojnë të japin ryshfet dhe që të gjithë biznesmenët shqiptarë që operojnë në Shqipëri mbijetojnë vetëm duke dhënë ryshfet, situata është tragjike dhe jo komike. Gjithsesi ai e kishte sot fjalën:

“Çdo qytetar të refuzojë që të japë apo marrë ryshfet. Shumica e shqiptarëve janë për reformën dhe duan të shihin rezultatet. Është arritur një përparim i madh përsa i përket integritetit si në vlerësimin e prokurorëve dhe gjyqtarëve. Reforma e drejtësisë është zbatuar në përputhshmëri të plotë me Kushtetutën dhe legjislacionin, reforma po ecën përpara dhe është e pakthyeshme, të gjitha institucionet shqiptare duhet ta mbështesin atë,” tha Ambasadori i BE në Tiranë duke vazhduar fjalën por pë shqiptarët nuk përbënë lajm se KE do të publikoj raportin e progresit, sepse sikur rekomandimi të jetë përallor tashmë është e qartë se Këshilli Evropian do ti thotë JO Edi Ramës dhe progresit të tij për të cilin Soreca tha:

“KE do të publikojë pas pak ditësh raportin e progresit, do të shikojmë atë që është bërë dhe atë që duhet bërë. Do të shikojmë edhe tranzicionin. Ne nuk duhet të harrojmë cmimin dhe koston që paguhet dhe do të kishim paguar pa këtë reformë. Reforma në drejtësi dhe integrimi është përparësi për cdo politikan, arsyeja për t’u bashkuar dhe jo për t’u ndarë” tha ambasadori i BE-së.”

Në fund, Ambasadori i BE në Tiranë, Luigi Soreca, citoi një mesazh të Falcones që thotë se “një botë më e mirë nuk është thjeshtë ëndërr, por përgjegjësia e të gjithë neve”. Këtë e kanë të qartë shqiptarët por jo edhe faktin se pse përgjegjësinë nuk e marrin edhe ata që futën duart në këtë Reformë të Drejtësisë dhe e bënë më lëmsh se sa ishte ndërkohë ishin argumenti kryesor që shqiptarët e besuan Reformën: Euralius, Opdat, BE…