Pas vendimit të Gjykatës, ATCEUC: Nëse doni të dini se si një qeveri terrorizon qytetarët, shikoni Shqipërinë!
Pas vendimit të Gjykatës së Tiranës, që la në burg dy kontrollorët Armando Fezga dhe Muhin Mezini, dhe caktoi “arrest shtëpie” për Flora Ndrecën, ka reaguar ashpër Unioni Europian i Kontrollorëve të trafikut Ajror, ATCEUC, madje u kujton linjave ajrore se fluturimi mbi territorin shqiptar paraqet një rrezik të shtuar për shkak të konfliktit midis qeverisë dhe stafit vendas, si dhe faktit që personeli i huaj i pa miratuar mund të punojë në Tiranë tani.
“Nëse keni dashur të dini se si një qeveri mund të terrorizojë qytetarët e saj, hidhini një sy Shqipërisë. Pasi Albcontrol injoroi të drejtat e punëtorëve dhe Unionit për një vit, qeveria po godet tani me Kontrolluesit e Trafikut Ajror,” thuhet në reagimin e ATCEUC duke shtuar:
“Kontrolluesit e Trafikut Ajror në Shqipëri e kanë të pamundur të flasin në media, pasi janë nën kërcënimin e humbjes së punës. ATCEUC i bën thirrje çdo institucioni të BE-së të shikojë nga afër se çfarë po ndodh në Shqiperi. Një sjellje e tillë po skualifikon çdo vend për t’u bërë anëtar i Bashkimi Evropian, një Komunitet ku ne përqafojmë të drejtat e njeriut, atje ku jemi kanë një kolonë të të drejtave sociale. ATCEUC i bën thirrje komunitetit të aviacionit të shikojë nga afër se çfarë po ndodh në Shqipëri. Kontrolluesit e Trafikut Ajror nën një stres të jashtëzakonshëm nga frika për lirinë e tyre.”
Në fund, për arsye e renditura në këtë reagim, ATCEUC rekomandon pilotët që të tregojnë kujdes të jashtëzakonshëm kur vendoset të fluturojë përmes hapësirës ajrore shqiptare.
