Pas Vendimit të Gjykatës Kushtetuese, nesër përpjekja e fundit e Parlamentit të Kosovës për konstituim
Edhe pas Vendimit të Gjykatës Kushtetuese si masë të përkohshme ndaj seancave të Parlamentit, që nga e diela e 27 korrikut deri më 8 gusht, përkundër prezencës në seancën konstituive të ambasadorëve të vendeve perëndimore, përfshirë përfaqësues të Shteteve të Bashkuara, Mbretërisë së Bashkuar, Gjermanisë, Francës, si dhe shefi i Zyrës së BE-së në Kosovë, deputetët e Parlamentit të Kosovës nuk arritën konstituimin e legjislaturës së nëntë të Parlamentit të Kosovës edhe në përpjekjen e 51-të.
Kryesuesi i seancës, Avni Dehari, kërkoi sërish nga subjektet politike parlamentare të cilat nuk i kanë propozuar emrat për anëtarë të komisionit zgjedhor për zgjedhjen e Kryetarit të Parlamentit që ta bëjnë këtë, por propozime nuk pati.
Nga 107 deputetë prezentë në seancë prej të cilëve 54 votuan për, asnjë kundër dhe asnjë abstenim, u konfirmua qëndrimi i pandryshuar i partive parlamentare ku deputetët tjerë nuk morën fare pjesë në votim, sërish duke mos u arrit formimin e Komisionit për votim të fshehtë për zgjedhjen e Kryetarit të Parlamentit.
Kryesuesi i seancës Avni Dehari njoftoi se seanca ndërpritet për të vazhduar, nesër, 26 Korrik, me fillim në ora 14:00, meqë pas vendimit të Gjykatës Kushtetuese, seanca nuk mund të zhvillohet më 27 Korrik.
Ndryshe, deri më tani kanë kaluar vetëm dy pika të seancës konstituive: Raporti i Komisionit të përkohshëm për verifikimin e mandateve, dhe, betimi i deputetëve; Seanca ka ngecur te pika e tretë, zgjedhja e Kryetarit Parlamentit.
Kandidatja e propozuar për Kryetar të Parlamentit nga Lëvizja Vetëvendosje, Albulena Haxhiu, po konsiderohet si figurë përçarëse nga PDK dhe AAK ndërsa LDK është shprehur se nuk voton asnjë kandidat të propozuar nga LVV.
Gjykata Kushtetuese ka vendosur ex officio masën e përkohshme përmes të cilës ndalohet çdo vendim dhe veprim i deputetëve të zgjedhur të Kuvendit të Republikës së Kosovës lidhur me Seancën Konstituive pas përfundimit të afatit 30 tridhjetë ditor, 26 Korrik.
Dhe, Urdhëron që masa e përkohshme hyn në fuqi më 27 korrik 2025 në kohëzgjatje deri më 8 gusht 2025, kur pritet vendimarrja e Gjykatës Kushtetuese.
