Pas vendimit të kompanisë Twitter, Vuçiç: Mezi pres të më mbyllin llogarinë!
Pas vendimit të kompanisë Twitter që të shenjoj disa media serbe si bashkëpunëtore të Qeverisë, Presidenti i Serbisë, Aleksandar Vuçiç, tha se mezi pres që ti mbyllin llogarinë dhe të bëhet edhe një Trump në botë.
“Mezi pres të më mbyllin llogarinë dhe të bëhem edhe një Trump në botë, që dëshmohet se sa mirë është që zëdhënësit talibanë të kenë akses në këtë rrjet të lirisë, për të cilën dikush do të thoshte rrjet i të bindurëve. Unë të jem i binduri i të tillëve nuk dua,” tha Vuçiç gjatë një vizite në Qarkun e Zlatiborit dhe uroi mediat që kundërshtojnë rrjetin e të bindurëve që promovon pretendime dhe ide liridashëse duke mos e pasur të qartë pse janë shqetësuar pasi janë shenjuar ashtu:
“Këta njerëz, gjithë të mirat i kanë thënë për këto media. Me kë do bashkëpunojnë, me manjatë? Mëse normale është që të bashkëpunojnë me Qeverinë. Ne nuk paguajmë pjesën më të madhe të këtyre mediave, e ata paguajnë Zërin e Amerikës dhe BBC dhe nuk thonë se janë media të qeverisë, këto nuk janë media që bashkëpunojnë por të qeverisë,” tha Vuçiç duke shtruar pyetjen nëse duhej të shkruhej se “mediat bashkëpunojnë me hajdutë që kanë plaçkitur Serbinë” shtoi se kjo çon te pyetja se kush është censuruesi, dhe tregon se ata dëshirojnë që të jenë censuruesi.
Në gushtin e vitit të kaluar, Kompania Twitter ka paralajmëruar se do të fillojë t’u vë etiketa llogarive që janë të lidhura me qeveritë.
Në rastin e Serbisë, mediat që Kompania Twitter i shënjoi si “bashkëpunëtorë të qeverisë” janë televizioni publik Radio Televizioni i Serbisë, RTS, Agjencia e lajmeve Tanjug, televizionet komerciale me licencë kombëtare Pink, Prva, B92 dhe Happy, si dhe gazetat e përditshme Kurir, Informator, Politika dhe Telegrafi Serb.
Kompania Twitter ka sqaruar se në pjesën që lidhet me rregullat e përdorimit të këtij rrjeti social, shënjimi i llogarive që janë të lidhura me shtetin “mundëson kontekstin shtesë në lidhje llogaritë e kontrolluara nga zyrtarë të caktuar të qeverive, shtëpive mediatike të lidhura me shtetin dhe individët që bashkëpunojnë ngushtë me ato entitete”.
Mediat e lidhura me shtetin janë të përcaktuara si “media, në të cilat shteti ushtron kontrollin mbi përmbajtjen redaktuese përmes mjeteve financiare, presioneve të drejtpërdrejta ose jo të drejtpërdrejta politike dhe/ose kontrollin mbi prodhimin dhe shpërndarjen e përmbajtjes”. Shënjimi i mediave të lidhura me shtetin, në praktikë, ka për qëllim që Twitter nuk do t’u rekomandojë llogaritë e tyre njerëzve dhe as nuk do të rrisë shtrirjen e postimeve të tyre.
Ndryshe, Presidenti i Serbisë, Aleksandar Vuçiç, i njohur dhe si Gebbelsi i kriminelit Slobodan Milosheviç, puna e parë që bëri me ardhjen në pushtet, ishte futja nën kontroll e mediave. Deri në momentin sa la Parlamentin pa opozitë, ky kriminel tashmë edhe i lirisë së fjalës, është ledhatuar nga liderët evropian dhe është shpërblyer me hapa integrues drejt BE-së dhe fonde, pikërisht si Presidenti i Afganistanit, Ashraf Ghani, që sot akuzohet se iku me një helikopter përplotë me para.
