Pas vendimit të Putin, Vuçiç shqetësohet se kriza mund të përhapet

Presidenti serb, Aleksandar Vuçiç tha sot se ka shqetësime se kriza e Ukrainës “mund të përhapet në pjesë tjera të Evropës dhe në botë, sidomos në Ballkanin Perëndimor,” raporton Agjencia e lajmeve AFP.

Vuçiç ka vlerësuar se edhe Serbia do të përjetojë presion të madh për shkak të ngjarjeve botërore që do të shkaktojnë krizë në disa fusha.

Ai i ka bërë këto deklarata pasi presidenti rus, Vladimir Putin ka urdhëruar sot trupat ruse që të dërgohen në rajonet e kontrolluara nga separatistët në lindje të Ukrainës.

Liderët e Perëndimit kanë parala

Ky vendim i Putinit ka ardhur disa orë pasi ai ka nënshkruar dekretet për të njohur dy rajonet lindore të Ukrainës si Republika Popullore e Donjeckut dhe Republika Popullore e Luhanskut si entitete të pavarura.

Në dekret, raporton RFE, është thënë se vendimi duhet të zbatohet menjëherë. Shtetet e Bashkuara, NATO-ja dhe Bashkimi Evropian kanë dënuar ashpër vendimin e Putinit. Kombet e Bashkuara kanë thënë se mbesin plotësisht mbështetëse të sovranitetit, pavarësisë dhe integritetit territorial të Ukrainës brenda kufijve të saj ndërkombëtarë.