Pas vrasjeve për shezlongë, filloi rrëmuja shtetërore në plazhe!

Pas ngjarjes tragjike në Velipojë ku përplasja për shezlongë në mes të pronarëve të hoteleve kishte si epilog 4 persona të vrarë, sot, nga Velipoja në Ksamil, Policia e Shtetit filloi operacionin e një rrëmuje të madhe shtetërore duke hequr mijëra shezlongë dhe çadra që nuk janë vendosur sipas aplikacionit në e-albania.

Sot, policët e Edi Ramës dhe Bledi Çuçit që nuk ndjekin krimin i cili, sipas tyre, shfaqet kudo dhe në kohë të papërshtatshme, nuk dihet nëse me këtë aksion do të shkaktojnë përplasje të reja por bazuar nga reagimi qytetarë, plazhistëve u kanë shndërruar pushimet në ferr.

Kontroli i cili filloi tek Përroi i Agait në drejtim të Karpenit dhe vijoi në gjithë vijën bregdetare në çast evidentoi 11 parcela pa leje ku janë hequr rreth 550 shezlongë dhe rreth 280 çadra. Raporti për gjithë vijën bregdetare pritet të zyrtarizohet.

Njoftimi

Golem, Kavajë

Në kuadër të operacionit “Bregdeti ynë”, nis faza e dytë e operacionit  për lirimin e hapsirave  bregdetare  të zaptuara në mënyrë të kundraligjshme me  shezlongë e çadra.

Në zbatim të planit operacional të hartuar nga Drejtoria e Përgjithshme e Policisë së Shtetit “Për kontrollin e vijës bregdetare në drejtim  të zaptimit  të vijës bregdetare nga subjekte apo persona të cilët nuk janë konfirmuar  nga e-Albania”, Task-Forca e veçantë në përbërje të së cilës ka 2 grupe FNSH, 2 grupe të Forcës së Posaçme “Shqiponja”, shërbime të Komisariatit të Policisë Kavajë, Policia Bashkiake dhe struktura të mjedisit të Policisë Bashkiake, prej mëngjesit të sotëm ka nisur kontrollet dhe verifikimet në territorin e plazhit në Golem.

Kontrolli ka filluar nga Përroi Agait në drejtim të Karpenit, dhe kontrollet do vazhdojnë në të gjithë vijën bregdetare.

Si rezultat i kontrolleve janë evidentuar 11 parcela pa leje ku janë hequr rreth 550 shezlongë dhe rreth 280 çadra.

Operacioni vijon pa probleme.