Pas zgjedhjeve PE/ Asnjë hap pas, Basha: Forca e qytetarëve në demokraci është vota!
Duke uruar familjen politike European People’s Party, EPP, që është konfirmuar si forca e parë në parlamentin dhe qeverisjen europiane, Kryetari i Partisë Demokratike, Lulzim Basha, thekson se forca e qytetarëve në demokraci është vota, prandaj beteja e shqiptarëve për votën e lirë është betejë jetike për Shqipërinë si gjithë Europa.
“Qytetarët europianë, me pjesmarrjen më masive të 20 viteve të fundit në zgjedhjet për Parlamentin Europian, konfirmuan vendosmërinë për të mbrojtur dhe çuar përpara vlerat europiane,” thekson Lulzim Basha duek uruar tashmë edhe kandidatin e për President të Komisionit Europian Manfred Weber:
“Jam i lumtur që familja jonë politike EPP – European People’s Party është konfirmuar forca e parë në parlamentin dhe qeverisjen europiane. Urimet më të përzemërta për presidentin Joseph Daul dhe PPE dhe në veçanti për fushatën e jashtëzakonshme të kandidatit tonë për President të Komisionit Europian Manfred Weber.”
Edhe me këtë rast u dëshmua se forca e qytetarëve në demokraci është vota, prandaj përfudnon në reagimin e tij përmes rrjetit social Facebook, Kryetari i PD, Lulzim Basha:
“Beteja e shqiptarëve për votën e lirë është betejë jetike për vlerat europiane, për demokracinë perëndimore dhe për Shqipërinë si gjithë Europa. Asnjë hap pas! #ShqipëriaSiEuropa #2qershor
