Pasi BE i dha 165 mln euro Vuçiç ndërron mendje, Varhelyi: Serbia na duhet në Tiranë në 6 Dhjetor!

Pas gjithë atyre akuzave që hodhi dje mbi Bashkimin Evropian, Presidenti i Serbis, Aleksandar Vuçiç, sot pasi mori 165 milionë euro nga BE harroi se kishte vendosur që të anuloj pjesëmarrjen në Samitin BE-Ballkani Perëndimor dhe sot tha se për pjesëmarrje në Samit do të vendos në ditët në vijim.

Ndonëse zhvilloi një takim me një zyrtar të superinformuar evropian, siç është Komisioneri për fqinjësi dhe dhe zgjerim, Oliver Varhelyi, dhe e kishte në krah, para tij ai gënjeu duke akuzuar Prishtinën zyrtare se po merret me sulmet ndaj serbëve ndërsa e vlerësoi situatën të nxehtë ku serbët nuk po durojnë më terrorin e Albin Kurtit.

Ndërkohë Komisioneri Varhelyi nuk reagoi por sërish si herë të tjera e luti këtë kriminel serb, duke i kërkuar sot që të marrë pjesë në Samitin e 6 Dhjetorit në Tiranë.

“Jemi në udhëkryq kritik, procesi i zgjerimit tërheq vëmendjen, por shohim një destabilizim të madh gjeopolitik në kontinentin tonë. Procesi i zgjerimit është njëri prej tre prioriteteve të BE. Kjo është dhe arsyeja pse javën e ardhshme zhvillohet Samiti në Tiranë, ku liderët do të flasin për rajonin,” tha Komisioneri për Zgjerimin duke “i rënë në gjunjë” Vuçiçit, në qendër të Beogradit:

“Na duhet Serbia në Tiranë, lideri i Serbisë i cili do të ulet në tavolinë,” tha Verhelyi duke i thënë një krimineli si Aleksandar Vuçiç i cili po shef nga Moska, se zgjidhje afatgjate për paqe është anëtarësimi në BE ndërsa Bashkimi Evropian do të vazhdoj ta mbështes Serbinë.

Vuçiç merr 165 mln euro nga BE dhe kërcënon

Sot, kur ministri serb i Komuniteteve në Kosovë është emëruar pas largimit të atij nga Lista Srpska që e kontrollon Presidenti i Serbisë, Vuçiç gënjeu Komisionerin e BE sikur dje opinionin serb dhe jo vetëm, se serbët po sulmohen dhe ata që jetojnë në jug po mendojnë braktisjen e institucioneve.

“Serbët në jug të lumit Ibër janë afër vendimit që të braktisin institucionet, e serbët në veri që të mos lejojnë më njeri të lëviz drejt Veriut të Kosovës. Situata është e nxehtë dhe njerëzit nuk duan më të durojnë terrorin e Kurtit, por nuk i dëgjon njeri,” tha Vuçiç duke treguar pse përdori dje gjuhën e rrugaçit:

“Gjithçka që kam thënë për Kurtin, Trajkoviçin dhe Rashiçin, e kam menduar, Nëse duhet ta përdor fjalorin burokratik ose diplomatik, kisha mundësi, por askush nuk do të na dëgjonte,” tha Presidenti i Serbisë duke përshkruar ato që ndodhën deri në daljen e djeshme publike, dhe çuditërisht asnjë fjalë të vetme nuk e tha të vërtetë deri te “pezullimi”, sipas tij, i shefit të policisë në veri, Nenad Gjuriç, edhe pse publikisht ai dha dorëheqje dhe u zhvesh nga uniforma e Policisë së Kosovës.

“Varhelyi më tha se është e rëndësishme që Serbia të jetë e përfaqësuar në Tiranë. Personalisht nuk jam i sigurt nëse kjo ka kuptim. Respektoj mendimin e Varhelyi dhe qëndrimin e Ana Brnabiç se duhet të jemi të pranishëm në Tiranë, në ditët në vijim do marrim vendimin,” tha Vuçiç i lumtur për Marrëveshjen për mbështetje financiare të Serbisë për periudhën 2021-2027 që BE i dhuroi për “fjalorin evropian” që përdori dje ndaj Brukselit dhe Albin Kurtit.

“Deri në fund të vitit Serbia do marrë 165 milionë euro mbështetje,” tha Presidenti i Serbisë duke falënderuar Presidenten e Komisionit Europian, Ursula von der Leyen ndërkohë u bë e ditur se janë firmosur tre marrëveshje:

Marrëveshja BE-Marrëveshja për partneritet financiar, Marrëveshja për mbështetje e BE për drejtimin e migracionit në Serbi dhe mbrojtjen shëndetësore, si dhe Marrëveshje për mbështetje e BE mbi drejtimin e migracionit në Serbi dhe forcimin e sistemit të qeverisjes.