Pasi dekretoi ligjet e tij kriminale, Meta sot: Parlamenti s’ka legjitimitet!

Nuk është e qartë pse braktisi flirtin me Edi Ramën, por sot Presidenti Ilir Meta iu kthye përralla 2 Marsit, madje foli shumë me më pak kuptim se sa atë ditë që tradhëtoi qindra mijëra shqiptarë që besuan se Meta mund të shkëputet nga Rama. Ndoshta kjo edhe mund të ndodhë sikur krimi mos të ishte miku i tyre i përbashkët, gjë që nxiti edhe lojën e sotme me deklarata kur vendi po zien nga covidi dhe ndryshimet kushtetuese. Për këtë të fundit tha sot se do bëjë gjithçka për të parandaluar ndryshimet e njëanshme kushtetuese ndërsa për parlamentin të cilit i dekretoi disa ligje, dhe së fundi edhe disa ligje kriminale, sot Presidenti i Republikës, Ilir Meta tha se nuk ka legjitimitet.

“Do ushtroj të gjitha funksionet e mia kushtetuese për të parandaluar një veprim të tillë të paprecedentë në 3 dekada pluralizëm. Një akt i tillë nuk do të njihet nga presidenti i Republikës,” tha Ilir Meta ndërsa për ndryshimet kushtetuese për Reformën Zgjedhore iu rikthye teorisë se mazhoranca nuk i ka votat e mjaftueshme.

“E cilësova të arritshme marrëveshjen e 5 qershorit. Kjo marrëveshje, sikurse e dini, u mbështet nga përfaqësues të komunitetit ndërkombëtar në Tiranë dhe nga sekretari i Shtetit, Pompeo, nga Barreli.
Marrëveshja tjetër e prish atë të qershorit dhe dëmton edhe ministrin tonë të Jashtëm edhe në cilësinë e tij si kreu i OSBE-së. Marrëveshja i hap rrugën përmbushjes të së parit prej 15 kushteve. Këto ndryshimi kushtetuese janë në kundërshtim me parimet e Komisionit të Venecias dhe janë udhërrfyesi i vetëm në zgjedhje demokratike. Edhe OSBE Tiranë ka bërë me dije se është shumë vonë për ndryshime.
Propozimi për ndryshimet kushtetuese, zeron përpjekjet 9 mujore për gjetjen e një konsensusi. Është e domosdoshme që palët politke t’i qëndroje besnike marrëveshjes, aq më tepër që janë invetsuar dhe ndërkombëtarët.”

Dh jo vetëm kaq! Meta sërish tha se Parlament ka vetëm 82 deputetë legjitim që kanë fituar mandatin nga procesi zgjedhor ku përfshin dhe 3 deputetët e opozitës:

“Ndryshimet ligjore duhet të bëhen 1 vit para zgjedhjeve. Përse Kuvendi aktual se ka legjitimitetin e plotë për ndryshimet kushtetuese. E theksoj në mënyrë të përsëritur se Kuvendi se ka legjitimitetin kushtetuese për të realizuar këto ndryshime. Kuvendi ka vetëm 82 deputetë legjitim që kanë fituar mandatin nga procesi zgjedhor ku përfshin dhe 3 deputetët e opozitës, të cilët nuk pranuan me të drejt që të dorëhiqeshin nga largimi i deputeteve të opozitës. Pas heqjes bllok të 58 deputetëve të opozitës së bashkuartë opozitës, mund të themi se ata nuk ishin pjese e Kuvendit. Edhe pse shteruan të gjitha listat partive opozitare, prej 18 muajsh, edhe sot Kuvendi ka formalisht 122 deputetë nga 140 deputetë, që është detyrim i Kushtetues. Jo vetëm kaq, të gjitha proceduar e parashikuara nga Kushtetuta, nuk janë plotësuar. Kodi Zgjedhor nuk është respektuar në zëvendësimin e mandateve,” tha Meta duke shtuar se Kodi Zgjedhor e ndalon heqjen në bllok të mandateve dhe asnjë nuk u thirr në KQZ për të hequr dorë nga mandati.

Por nëse këto ndryshime kushtetuese miratohen! Presidenti i Republikës, Ilir Meta tashmë e ka të lehtë dhe pasi e degjeneroi shqiponjën më Mars nuk e kishte për gjë të thotë edhe sot se do bëjë detyrën e tij si kreu i shtetit, përballë atyre që, sipas tij, mund të çmenden.

“Mos u merrni me hapat e radhës së presidenti. Presidenti ka treguar se për interesin e demokracinë dhe interesat kombëtare të vendit, se këtu cenohet integrimi i vendit, që është aspiratë e partive shqiptare, se është e popullit shqiptar, cënohet rëndë garanci e komunitetit, që është Kushtetua. S’do ju them unë se çfarë do të bëj unë në rast se të tjerët çmenden. Unë do të bëj detyrën time me të gjithë popullin shqiptar, me të majtë e të djathtë, pa parti, me gjithë ata që nuk e lënë vendin të zbrazet e të mbushet me gjera të tjera,” tha Ilir Meta duke mprehur lapsin i gatshëm ti përgjigjet mikut të tij nga krimi, Kryeministrit të Facbookut i cili vuri në lëvizje ingranazhet mediatike për ti treguar miletit se cili është më mashtrues, Likja apo fjalimshkruesi i tij, Edi!