Pasi dështoi në krijimin e Opozitës, Rama: Shkojmë në zgjedhje të parakohshme nëse…

Pasi dështoi në krijimin e “Opozitës së Edi Ramës” sot Kryeministri Edi Rama nga Sheshi “Nënë Tereza” në Tiranë ka bërë një ofertë të çuditshme për zgjedhjet e parakohshme që kërkon Opozita e vërtetë që nuk po nënshtron dot ndonëse e shpalli fitoren për zgjedhjen e 30 Qershorit.

“Unë e kam një ftesë për ju, jeni ju që ja keni rrokanisni kokën ndërkombëtarëve për reformën zgjedhore. Hajde ulemi ta miratojmë së bashku atë reformë, të biem dakord t’i eksperimentojmë në disa zona edhe votimin dhe numërimin elektronik. Me që keni shumë qejf shit-blerjen e votës, do miratojmë çdo masë që do propozojë në Parlament doktoresha e shit-bjerjes së votës. Ne i votojmë vetë në Parlament me deputetë e rinj që ju i keni zgjedhur. Nëse ju në zgjedhjet e 30 qershorit, do fitoni një bashki më shumë se ne. Jemi të gatshëm të shkojmë në zgjedhje të parakohshme.”

Duke i vënë edhe epitetine ri Opozitës, Shportë Karavidhesh, këtë që e quajti sfidë e shoqëroi me premtimin për Reformë Zgjedhore por jo edhe premtimin për rrespketimin e kësaj Reforme:

“E di që ju s’do e pranoni këtë sfidë. Ju se mundni dot PS as në Kukës dhe as në Skrapar, dhe lerë pastaj në të gjithë Shqipërinë,” ishte konkluzioni i Edi Ramës pas oferëts që i bëri Opozitës, edhe pse ende nuk është distancuar mga Gjushi dhe kriminelët e tij që vjedhin vota, madje vazhdon ti ketë yll polar të fitores socialiste.