Pasi e përdorën, shkarkuan Rudina Hajdarin! Shoku Gramoz e zëvendëson me…
Grupi Parlamentar i “Opozitës së Edi Ramës” në Parlament, pasi e përdorën dhe nuk u duhet më, votuan sot shkarkimin e Rudina Hajdarit nga posti i kryetares të këtij grupi. E shkarkuara, pasi ngeli vetëm në parlament iu kthye vlerave të babait, Azem Hajdari, të cilat i tradhtoi duke i shërbyer Partisë Socialiste dhe kryetarit dhe kryeministrit Edi Rama.
Me anë të një shkrese, deputetët që trashtuan Partinë Demokratike dhe u zhvendosën në shërbim të Edi Ramës duke krijuar opozitën e tij në parlament, kanë zëvendësuar Rudina Hajdarin me nënkryetarin aktual të Parlamentit, Myslim Murrizi.
Ndryshe nga shkarkimi i parë, shoku Gramoz e pranoi këtë shkarkim gjë që acaroi Rudina Hajdarin e cila u kujtua se ky komb ka edhe Teatër të cilin do ta shembi një sistem i poshtër komunist të cilit i shërbeu, dhe meqë e flaki sepse nuk i duhet më, tani ai duhet luftuar.
Ndërkohë që u bë publik lajmi, Rudina Hajdari ishte në foltoren e parlamentit dhe ndonëse kishte tradhtuar vlerat demokratike iu kthye atyre ndërsa u kujtua se është e bija e Azem Hajdarit.
Fjalën e nisi me thirrjen drejtuar Bashkisë që të heqë dorë nga vendimi për shembjen e Teatrit Kombëtar, ndërsa sistemit që i shërbeu dhe e hoqi sot nga loja politike, tani thotë se do ta luftoj madje duke e quajtur dhe kauzë më të madhe ndryshimin e këtij sistemi.
“Dje ne diskutuam çështje që nuk përfshinë ndryshimin e sistemit, ju garantoj që ndryshimi i sistemit është kauza më me vlerë e vendit. Pasi pas çdo deputeti fshihet një biznesmen, që ka një kompani, pas ministrit ka një kompani që do bëjë pazare dhe asnjëherë në këtë kuvend nuk bëhen ligje për njerëzit, luhet me taksat e tyre cdo ditë, janë për të bërë këto pazare,skena politike është shnderruar me politikanë që pas vetes kanë një të fortë, biznesmen, narkotrafikant, edhe opozitarë, mos bëni opozitë duke dashur llokma, nuk bëhem kurrë pjesë e asaj opozite, e pazareve në këtë parlament,” tha Rudina Hajdari duke ngatërruar vlerat, demokracinë dhe sistemin që do ta luftoj pasi e flaki nga radhët e tij”
“Më kanë thënë që politika këshu bëhet, jo politika është për të dhënë shpresë, që shqiptarët të jenë krenarë, politika është ndryshe, e sot ne duhet ta bëjmë këtë, të ndryshojmë sistemin zgjedhor, ta mbarojmë këtë mision se është e rëndësishme që në parlament të vijnë njerz që përfaqësojnë qytetarin dhe jo biznesmeni, të mbarojë kjo mënyrë e shpifur që ne ulemi dhe i shkelim syrin njeri tjetrit, dalim këtu, bëjmë akuza, flasim për koncesione dhe në darkë ulemi për dakrë që të marrim një llokmë nga ai koncesion. Unë nuk do jem kurrë mashtruese në këtë vend, nuk do dal nga asnjë qindartkë më shumë nga ky vend, do jem kjo që jam edhe pse do kem shkopinj, njerëz që do më ndalojnë, luftojnë, por ama dijeni mirë që shqiptarët do më shohin, e do e kuptojnë që unë jam Rudina Azem Hajdari e kjo do shkojë deri në fund, amaneti I tij deri në fund, mos e harroni kurrë.”
