Pasi e shkatërroi gazetën “Rilindja Demokratike’, sot Lulzim Basha i shpreh mirënjohje…

Kryetari i shkarkuar i PD, Lulzim Basha, nuk shkatërroi vetëm Partinë Demokratike, me një zell të jashtëzakonshëm ai shkatërroi dhe margaritarin e saj më të çmueshëm, gazetën zyrtare të partisë, “Rilindja Demokratike”. Por, as sot, nuk e ka për turp ti shpreh mirënjohje në ditëlindjen e saj të 31-të!

“Mëngjesin e 5 janarit 1991, pas një pritje gjysmë shekullore, “Fjala e parë” mbërriti në duart e shqiptarëve. Rilindja Demokratike, e para media opozitare në Shqipëri, u bë themeluesja e shtypit të lirë shqiptar,” thotë sot Lulzim Basha, njeriu i cili e shndërroi në gazetën që vetëm PD-së nuk i shërben. Shumë kohë para se SHBA të vendos shpalljen NON GRATA të liderit historik Sali Berisha, ai ishte i tillë në faqen e parë dhe jo vetëm, të gazetës zyrtare të PD, “Rilindja Demokratike”, por jo dhe ish-miku i Bashës dhe njeriu njeriu që arrestoi Berishën, Ilir Meta! Degradimin që i bëri kësaj gazete, Lulzim Basha, shkoi deri aty sa Ilri Meta shpesh ishte lajmi kryesor në “RD” por jo dhe në gazetën e LSI, “Integrimi”!

Kulmin e degradimit “RD” e arriti me shfaqjen e gazetares kamikaze të “Koha Jonë” nga viti i errët 1997, Jonila Godila, si lajm kryesor ku ajo në cilësinë e Sekretares së Kunatit për të përndjekurit politik, jep mendimin se Sali Berisha duhet të largohet nga Partia Demokratike.

Por kjo nuk e pengon sot kryetarin e Gazmentit dhe Jonilës, me një pafytyrësi që nuk po i zbret nga trupi, të shprehet:

“Në këtë përvjetor të 31-të, dua të shpreh mirënjohjen time dhe të Partisë Demokratike për të gjithë drejtuesit, kryeredaktorët dhe gazetarët e Rilindjes Demokratike, të cilët kanë kontribuar për lindjen dhe zhvillimin e bijës së lirisë, si mbrojtëse e interesit publik, promovuese e vlerave universale të njeriut dhe vokacionit tonë perëndimor, në ditë të mira dhe të vështira.”

Gjhithsesi, Lulzim Bashën nuk e pengon njeri që ta uroj Rilindjen Demokratike edhe pas 8 Janarit kur ai nuk do të shkel më në PD, por në historinë e kësaj gazete do të kujtohet me trishtim se ishte një “njeri me kunat” i cili gjatë pushtimit, përveç partisë degradoi dhe gazetën zyrtare të saj duke i shërbyer dhe komunistëve psikopat që i vunë flakën Shqipërisë më 1997!

Mesazhi:

Mëngjesin e 5 janarit 1991, pas një pritje gjysmë shekullore, “Fjala e parë” mbërriti në duart e shqiptarëve. Rilindja Demokratike, e para media opozitare në Shqipëri, u bë themeluesja e shtypit të lirë shqiptar, duke shënuar përgjithmonë historinë e re të vendit. Një tribunë refleksionesh mbi regjimin komunist e të shkuarës dhe mbi demokracinë e shumëpritur të së ardhmes, vepër e intelektualëve, gazetarëve, studentëve, që i’u bashkuan prej orës së parë Partisë Demokratike, për të sjellë fjalën e lirë, votën e lirë dhe ribashkimin me Perëndimin.

Në këtë përvjetor të 31-të, dua të shpreh mirënjohjen time dhe të Partisë Demokratike për të gjithë drejtuesit, kryeredaktorët dhe gazetarët e Rilindjes Demokratike, të cilët kanë kontribuar për lindjen dhe zhvillimin e bijës së lirisë, si mbrojtëse e interesit publik, promovuese e vlerave universale të njeriut dhe vokacionit tonë perëndimor, në ditë të mira dhe të vështira.

Dhe të vështira janë ditët e sotme për mediat. Në një atmosferë mbytëse për lirinë e tyre, mes plagëve të vjetra të tranzicionit dhe të rejave të kësaj kohe sfiduese për të vërtetën, ato ka nevojë për inkurajim dhe mbështetje të gjithanshme, që askush të mos prekë fjalën e lirë sepse nëpërmjet saj ne mbrojmë të vërtetën, si një gjest shërimi për të parë me guxim dhe shpresë nga e ardhmja.

Gëzuar!