Pasi e shkatërroi me Open Balkan, Rama: Me hyrjen në BE, Shqipëria do marrë 300 mln€/vit për bujqësinë

Me futjen në BE do marrim  300 mln euro në vit vetëm për bujqësinë, tha sot Kryeministri Edi Rama para përfaqësuesve të bizneseve të vogla dhe të mesme në Kuçovë teksa foli për agroturizmet e Qarkut të Beratit, aty ku gjithçka bujqësore u shkatërrua me projektin serb “Open Balkan” ndonëse Bashkimi Evropian ishte aty edhe në momentin kur Presidenti i Serbisë, Aleksandar Vuçiç, filloi planin e tij famëkeq për shkatërrimin e fermave dhe falimentimin e fermerëve shqiptarë.

Dhe, këtë shkatërrim që sot Edi Rama e quan e shkuar, me integrimin në BE, sipas tij, populli shqiptar do të shpëtojë nga hija e së shkuarës.

“BE na duhet si kjo drita që shohim, sepse vetëm duke hyrë në BE ky popull do shpëtojë nga hijet e së shkuarës.  Çdo shqiptar do ta ketë të sigurt se liria e vetë individuale nuk kërcënohet, as barazia ndaj ligjit.

Përfitimi financiar është i jashtëzakonshëm. Kur hyn në BE aty është një familje që ka dy kategori, janë më të rriturit, më të fuqishmit dhe më të vegjlit.

Më të fuqishmit janë  kategoria e kontribuuesve, siç janë Franca, Gjermani etj. etj, që japin në buxhetin e BE më shumë nga se marrin.  Ndërkohë që vende  si Shqipëria janë perfides, marrin në momentin që hyjnë në BE nga buxheti i përbashkët më pak nga se japin,” tha Edi Rama thuajse deri më sot BE ishte në planetin Hënë dhe ai u detyrua me Presidentin e Serbisë të Hap Ballkanin dhe të shkatërron edhe blegtorinë që askush nuk e mori guximin në Kuçovë të ja thotë, dhe, tani flet për trena dhe histori.

“Me futjen në BE do marrim  300 mln euro në vit vetëm për bujqësinë. Treni i historisë ka ndaluar para nesh. Ti duhet të jesh gati kur vjen treni i historisë dhe nuk duhet ta humbim se ajo dritare që është hapur mund të mbyllet. Por nëse gjërat e përgjithshme ndryshojnë, lufta mbaron, marrëdhëniet e të mëdhenjve , ata e bëjnë muzikë e ritmin, ne kërcejmë..nëse muzika ndryshon mund të fillojë prapë historia nga e para,” tha Kryeministri Edi Rama para komunistave të Kuçovës që nuk po merrnin as frymë ndërsa përfundoi:

“Sot është momenti ku asnjëri nuk luan me ne dhe thonë jepi jepi, jepi.  Në 10 vjet BE na ka dhënë diçka më shumë se 1 mld me hyrjen në BE kemi 1 mld e pak çdo vit.”