Pasi e shndërroi në parti komuniste, Isa Mustafa rizgjedhet kryetar i LDK!
Pas dështimit për ta demokratizuar, Isa Mustafa, u shpërblye nga Kryesia e Lidhjes Demokratike të Kosovës duke u rizgjedhur Kryetar, pasi arriti ta shndërroi LDK-në në parti të mirëfilltë komuniste.
Tashmë turpi i Kosovës, LDK në Kuvendin e nëntë zgjedhor përmbylli aventurën me kundërkandidatët e Isa Mustafës të cilëve nga rugovizmi nuk ka mbetur më asgjë, as shalli!
Pasi mori shumicën e votave nga 354 delegatë të zgjedhur në kuvendet e degëve, ku asgjë nuk ishte transparente, Ish-kryetari i LDK-së, Fatmir Sejdiu, i cili synonte të futej në garë për Kryetar nuk mori votat e mjaftueshme pasi sipas statustit i duheshin 50%+1 të votave të delegatëve të pranishëm.
Menjëherë, pasi iu refuzua kandidatura, Fatmir Sejdiu lëshoi punimet e Kuvendit dhe për mediat tha se delegatët nuk janë shprehur lirshëm dhe sipas tij, kjo është shenjë e keqe për demokracinë:
“Ata njerëz nuk mund të shprehen lirshëm. Nuk kanë miratuar kandidaturën time, e kanë miratuar një tjetër. Në këtë mënyrë të punës, me këtë qasje, me këtë mënyrë të mungesës së guximit të njerëzve, e kemi një shenjë të keqe për demokracinë ne Kosovë. LDK ka qenë dhe mbetët shtëpia ime,” tha Sejdiu duke shtuar se ka pasur kontakte ditët e fundit me kryetarin tashmë të rizgjedhur të LDK-së, Isa Mustafa, rreth një konsesunsi politik, por që nuk ka marrë ndonjë përgjigje:
“Kam tentuar ditët të fundit të kem kontakt me kryetarin rreth një konsensusi politik. Më ka pritur por nuk kam marr ndonjë përgjigje. Nënkryetarët nuk kanë dashur të dinë cila është ideja ime rreth një konsensusi politik. Delegatët vendosin për kryetarin, sigurisht në këtë mënyrë Mustafa do të marrë mbështetjen e tyre.”
Edhe deputetja e LDK-së, Vjosa Osmani, kandidate për Kryetare deri dje, tha se mënyra e zgjedhjes së Kryetarit të ri të LDK-së, ishte jodemokratike dhe organet e reja të këtij subjekti duhet sa më parë të ndryshojnë rregulloren statutare 50% +1.
”Organet e reja që do të dalin sot nga ky Kuvend, duhet sa më parë të largojnë normën 50% +1 sepse kjo normë po shkakton probleme të mëdha. Kështu ka ndodhur edhe më 2015-të. Isha në favor të miratimit të të gjitha kandidaturave, por shumica e delegatëve kanë menduar ndryshe,” tha Osmani duke e identifikuar problem tek njerëzit dhe jo statuti:
”Problemi themelor është tek statuti – jo tek njerëzit. Është e domosdoshme që ajo normë të largohet, ose së paku të zvogëlohet. Kjo thellësisht është jodemokratike. Ka pasur njerëz dashakqinj që kanë gënjyer se Vjosa Osmani ka miratuar këtë praktikë por kjo nuk është e vërtetë. Më 2015 – statuti nuk e ka lejuar zgjedhjen me aklamacion por në 2016-të ka pasur ndryshime në statuse. Do të jetë angazhim i imi primar, që të fillojmë menjëherë me ndryshime statutare.”
Sidoqoftë, Kuvendi i nëntë i LDK tashmë konfirmoi se pse nga kjo parti janë larguar të gjithë njerëzit që ishin të afërt me Ibrahim Rugovën dhe pse Isa Mustafa u zgjodhë për herë të tretë Kryetar ndonëse e shkatërroi partinë.
