Pasi e shpalli hajdut, Tom Doshi: Pas zgjedhjeve, Benet Beci do shkojë në burg!
Pas e akuzoi si hajdut, sot Kryetari i PSD, Tom Doshi, nuk ndaloi me akuza kundër Kryetarit të Bashkisë Shkodër, Benet Beci, duke i prerë tashmë biletën edhe për burg.
Tom Doshi nuk u dëgjua kur Benet Beci në bashkëpunim me krimin e organizuar fitoi zgjedhjet dhe sapo shkeli në Bashki largoi të gjithë demokratët nga puna duke përfshirë dhe shoferët, por tani në ditë fushate në Shkodër ankohet për Benet Becin se po u bën presione qytetarëve me ndihmë ekonomike.
“Benet Beci u bën presion njerëzve me ndihmë sociale që po nuk votuat PS do t’ua heqim ndihëm.
Është një i infiltruar i Sali Berishës. Në Bashki s’kemi asnjë drejtor socialist, kanë ardhur të gjithë nga PD. I bëj thirrje socialistëve të votojnë PSD. Beneti është nën siglën e PS, por bën punën e PD,” tha Tom Doshi tashmë kur dihet se Benet Beci ishte i infiltruar i Sigurimit të Shtetit në Qeverinë e Sali Berishës, e sot pse Toma nuk guxon të xjerrë nga goja fjalën “Edi Rama” këtu vetëm Saliu nuk i ka fajet!
Dhe jo vetëm kaq!
Tom Doshi para banorëve të lagjes “Mark Lula” në Shkodër u mundua të lartësoi kandidatët për deputetë në kohën kur ai ishte Kryetar i PS për dallim nga ata aktual, ndonëse janë po ai llum me të vetmën diferencë se në atë kohë ishin profesor llum që i shërbenin komunistëve të Tiranës për të shkatërruar Shkodrën ndërsa përfundoi:
“Këta kanë hallin se ne marrim 3 deputetë, se për 2 e kanë pranuar vetë. Kam besim se administrata dhe ata që marrin ndihmë sociale dhe që kanë probleme shëndetësore do votojnë PSD.
Unë kam qenë 20 vjet që kam qenë edhe në krye të PS së Shkodrës, por karakterin tim të fortë nuk e durojnë servilat e PS. Ata që janë në lisën e mbyllur nuk kanë lidhje me PS e Shkodrës, ndaj socialistët të votojnë PSD dhe Tom Doshin sepse unë jam deputet!”
