Pasi Gjunkshi bleu njerëzit për takim, Basha niset drejt Dibrës

Një ditë pasi mediat denoncuan deputetin e Dibrës, Xhemal Gjunkshin, se po paguan miliona për të siguruar njerëz për një takim me Kryetarin e shkarkuar të PD, sot Lulzim Basha është nisur drejt Dibrës ku nga zyra e propagandës u shit si kërkesë e degës dhe demokratëve të atjeshëm.

Kështu, pasi Edi Rama shpalli Këshillimin Kombëtar me qytetarët, mësohet se Lulzim Basha nis axhendën politike, Aleanca Qytetare për Demokracinë, me qëllim që ti afrojë të gjithë ata demokratë që iu bashkuan nismës së Sali Berishës, si domosdoshmëri për të bindur partnerin e bashkëqeverisjes se kush është lideri i opozitës. Pikërisht për këtë qëllim, Lulzim Basha kërkoi edhe në Këshill Kombëtar nga të gjithë drejtuesit, të dalin sa më parë në terren.

“Ata janë njerëz që kanë sakrifikuar dhe janë të zhgënjyer me ne. Por ne duhet të punojmë me ta, t’i bindim e të bëhemi bashkë,” është shprehur Lulzim Basha pas dyshimeve të ngritura të Edi Ramës pse kryetari që thotë se është i PD, filloi luftën me brava

Ndërkohë, në Dibër, deri sa po përfliten gjithë ata emra që shpërndajnë paratë e dhëna nga Xhunkshi, të gjithë oficerat dhe nënoficerat që i kanë paguar ryshfet Ish-Shefit të Shtabit të Përgjithshëm për të shkuar në misionet shqiptare në Afganistan, Irak dhe Bosnje, sot janë të lumtur pasi Xhemal Xhunkshit i erdhi deti të shpërndajë lekët që u kishte marrë atyre që kishin rrezikuar kokën për bukën e gojës së fëmijëve.

Gazetarët prezent në fillim të takimit raportojnë se Lulzim Basha, ky “mbret i transparencës” së menaxhuar nga Conchita, sot nuk lejoi prezencën e kamerave në takim. Sa njerëz ka në këtë takim nuk dihet, por që ka dhe rilindas e konfirmojnë mediat lokale.