Pasi “hapën dosjet”, për Edi Ramën sot deputetët e Bashës janë: Bedelë, të shitur, të mallkuar…

Pas pazarit me “Hapjen e Dosjeve” me Edi Ramën, që asgjë nuk ndryshoi në praktikë, deputetët e Lulzim Bashës u irrituan sot kur Kryeministri nuk i përfilli dhe futi në rendin e ditës të seancës plenare të parlamentit pse me procedurë të përshpejtuar, miratimin e ligjit për Portin e Durrësit.

Kjo nuk e pengoi Edi Ramën të me agjendën e tij para se të filloj me diskutimet mbi Buxhetin 2023, duke hedhur një lum akuzash me këta që “hapi dosjet” duke i quajtur sot si bedelë, të shitur, të pafe, të mallkuar, të pafytyrë etj. vetëm pse guxuan të hapin gojën pa e pyetur.

“Ta fusësh sot në kalendar të punimeve dhe pa një jave ta miratojnë… Sot po fusni me procedurë të përshpejtuar ligjin për Portin e Durrësit. Është një projektligj që ka 5 nene bashkë me hyrjen në fuqi. Ky ligj kushton më shumë nga 30 vite . Kostoja e këtij projektligji është mbi 2 mld dhe ju doni ta kaloni me procedurë të përshpejtuar sot kur diskutohet buxheti.

Ju jeni duke prerë shiritin e një afere ekonomike që shumë shpejt mund të kthehet në një aferë korruptive. Ka vetëm pesë nene, por sapo e the që ka një vit që negociohet, midis kujt? Çfarë është dhënë dhe çfarë është marrë? Sa është territori i Shqipërisë që ju po shisni? Jeni duke shitur diku tej 1 mln metër katror zemra e Shqipërisë. Unë e kuptoj që shuma e madhe do të mbyllë gojën e shumë deputetëve, analistëve, organizatave të shoqërisë civile, por gojën e deputetëve të opozitës të pavarur s’ka për ta kapur.

Sa fiton shteti shqiptar. Për çdo investim të huaj jam i hapur që ky vend të ketë sa më shumë. Por a ka pasur një procedurë të thjeshtë, shpjeguese. Ku është transparenca në këtë mes. Nëse ka pasur një problem ky parlament, kanë qenë ligjet me porosi. Çfarë pazari është bërë me Portin e Durrësit? Sot kam vetëm një thirrje presidentit të Republikës, sot jam duke i bërë thirrje organeve të drejtësisë, pasi shumë shpejt me daljen në dritë të dokumenteve që i mbani fshehur, mund të zbulohet edhe afera korruptive. Bëjeni publike. A është e mirë për shqiptarët, a do të sjellë mirëqenie?” tha Enkelejd Alibeaj, kryetar i komanduar i PD nga Gazment Bardhi me urdhër të Lulzim Bashës, duke marrë një përgjigje që dallonte shumë nga komunikimi i seancës së fundit ku ligji u miratua me dashuri që nuk ishte parë ndonjëherë ndë socialistë.

“Dakord ne, por ti çohesh këtu dhe hedh gjithë këtë baltë mbi një personalitet të ekonomisë globale, përfaqësues i një prej kompanive më të mëdha të botës që vjen në Shqipërisë si një rezultat i një marrëdhënieve strategjike. Falë të cilës në vendin tonë, bëhet një investim që nuk është bërë ndonjëherë që e transformon Durrësin në një nga pikat më rëndësishme dhe ndërkohë që këtu as u miratua gjë dhe diskutua.

Ju jeni ca të mbaruar, ca njerëz që nuk keni as atdhe dhe që në pikë të sabahut , mirë ne por merrni nëpër gjë dhe akuzoni për pazare dhe afere nga një kompani më të mëdha ne botë. Jeni ca të pafytyrë pa fe, pa atdhe , pa din dhe iman. Këta jeni ju. Mos bërtit ti gjel deti i Peqinit, sepse po të kishit ju fytyrë, fe e Atdhe nuk i bënit Shqipërisë atë që keni bërë,” tha Edi Rama me po këta deputetë që miratoi dhjetëra ligje dhe së fundi edhe hapjen e dosjeve duke hedhur poshtë për arsye se, siç tha Kryeministri, pengon hapjen e dojseve dhe u duartrokit po nga këta bedela, që sot nuk iu bindën!

Pse nuk iu bindën dhe pse bedela! Në lumin akuzave që dolën sot nga goja e Kryeministrit Edi Rama në foltoren e parlamentit, mbizotëroi fjala “bedelë”.

Fjalori i gjuhës tonë të bukur shqipe na sqaron kuptimin e kësaj fjale:

Pse nuk reaguan deputetët e fyer nuk është e qartë, por, sa janë bedelë deputetët të cilëve ai iu drejtua Kryeministri, askush nuk e dinë më mirë se Edi Rama dhe Lulzim Basha; Ndërsa ky përkufizim i Ramës e bënë të qartë se miratimi i “hapjes së dosjeve” nuk ishte punë ndërkombëtarësh, por, punë bedelash; Kundrejt shërbimit ose pagesës, kjo mbetet për tu parë, një ditë kur sërish do flas nervi i Kryeministrit Edi Rama që duan komunistët!