Pasi i hapi krahun Edi Ramës, Vuçiç: Nesër do të marrim pjesë në Samitin BE-Ballkan!

Pas shantazhit të djeshëm që i bëri Bashkimit Europian mbi pjesëmarrjen në Samitin BE-Ballkan duke publikuar bisedën online me Kryeministrin Edi Rama deri sa ky po fillonte ditën duke publikuar Portin e ri të Durrësit, paraqitur në mbledhjen e përbashkët të dy qeverive, Shqipëri-Kosovë, shantazh i cili mori dhenë jo vetëm në botën shqiptare, sot Presidenti i Serbisë, Aleksandar Vuçiç, pasi i lejoi Ramës të publikoi ipari vendimin e mesditës, përmes një deklarate nga Zyra e Presidencës bër të ditur vendimin:

“Pas konsultimeve të detajuara dhe gjithëpërfshirëse me bashkëpunëtorët dhe anëtarët e qeverive, liderët e tre vendeve kanë marrë vendim për vajtjen e përbashkët në Samit, me ç’rast u dakordësuan parimet që do të prezantojnë shtyllën kryesore të bisedimeve me zytarë të shumtë të Bashkimit Europian,” thuhet në deklaratën e Presidencës së Serbisë duke shtuar:

“Duke pasur parasysh se Republika e Serbisë, Republika e Shqipërisë dhe Republika e Maqedonisë së Veriut përfaqësojnë me dinjitet interesat e qytetarëve të rajonit të Ballkanit Perëndimor në të gjitha forumet ndërkombëtare, vendimi për pjesëmarrje dhe prezantimin e përbashkët në Samitin e Brukselit paraqet edhe një hap në luftën për përparimin e vendeve tona, si dhe sinjal të qartë se përkundër pengesave të shumëta, vazhdojmë të japim kontribut konstruktiv në rrugën e eurointegrimeve,” thuhet në deklaratë duke u shprehur të ndërgjegjshëm që temat për të cilat do të bisedohet në Samit nuk do të jenë të lehta, por kjo pjesëmarrje do të dëshmon angazhimin në rrugën evropiane të Serbisë, Shqipërisë dhe Maqedonisë së Veriut.

Në fund, Presidenca e Serbisë duke folur në emër të një trupi të vetëm të tre shteteve pjesë e Ballkanit të Hapur, përfundon:

“Gjithashtu, është rënë dakord që në mbledhjet në Bruksel të vazhdojmë që të luftojmë për dialog si modeli i vetëm dhe i drejtë, për zgjidhjen e të gjitha çështjeve të hapura, me përpjekjet për forcimin e besimit të ndësjellë dhe intensifikimit të komunikimit me zyrtarët e BE, me qëllim të vazhdimit të luftës për jetë më të mirë të të gjithë qytetarëve tanë.”

Ndryshe, para publikimit të “vendimit të mesditës” nga Kryeministri i Shqipërisë dhe Presidenti i Serbisë, Kryetari i PD, Sali Berisha, paralajmëroi protesta për ti dal zot fatit tonë dhe mos të lejojmë që një aventurier si Edi Rama të shkelmojë mbi identitetin tonë.