Pasi i mati rrugët, Zv/Kryeministri Erion Braçe dha dorëheqje

Pasi u shpreh se në 8 vite i ndryshuan faqen Divjakës, qytetit e fshatrave me rradhë, shkollave, kopshteve, qendrave shëndetësore, rrugëve, trotuareve, shesheve, ujit të pishëm dhe kanalizimeve, rrjetit të kanaleve vaditëse e kulluese, linjave të energjisë elektrike e nënstacioneve, hidrovoreve, mori metrin për t’iu përgjigjur atyre që e akuzuan për rrugët e Gradishtes dhe Gungasit, dhe pas 24 orësh, Zv/Kryeministri Erion Braçe dha dorëheqje!

“Kërkesa erdhi nga ata që kurrë nuk kanë bër ndonjë punë në jetën e tyre, ingjinierët e Fejsbukut, të cilët, nxijnë pas çdo pune, plasin pas çdo vepre! Në Gradishte, Arteria Kryesore është nga 4.60 deri në 4.70 metra; Në Gradishtë rrugët nëpër lagje të brendshme të fshatit janë nga 3.80 deri në 4.20 metra; Në Gungas arteria kryesore dhe unaza që të çon nëpër lagje të fshatit është nga 4.20 deri në 4.30 metra! Pra as 3 e as 3.5 metër!” theksonte dje Zv/Kryeministri Erion Braçe pasi i mati rrugët, dhe sot pas përmbylljes së mandatit të qeverisë “Rama 2” nga Kryeministri Edi Rama dhe paralajmërimit se javën tjetër do ta shpallë qeverinë “Rama 3”, Braçe u shfaq në rrjetin social me lajmin e dorëheqjes:

“Ka një fund! I nderuar që shërbeva për njerëzit në nevojë, në ditët e tyre më të vështira në 24 vitet e fundit!

Nuk dihet ende pse iku Erion Braçe apo nëse i mati rrugët keq, por qytetarët do ta kujtojnë si Zv/Kryeministrin e vetëm në historinë shqiptare që për shkeljet e ligjit nga organet shtetërore “vajtonte” në Facebook; Edhe kur pranë pallatit të tij në Tiranë Erion Velia lejon ndërtim pa kriter ose kur Edi Rama sjell serbin Bregoviç për të kënaqur Irfanin kur feston në Korçë