Pasi i shërbeu pushtetit, Edi Rama: Krimi i organizuar në administratë e politikë, kjo kohë ka marrë fund!

Pasi krimi i organizuar përmbylli misionin e shkatërrimit të administratës, politikës dhe ekonomisë, ai sot u kërcënua nga Kryeministri Edi Rama. Nga Forumi Ekonomik i Tiranës kishte mesazh të qartë për biznesin e paligjshëm por vetëm sot kur ai shkatërroi biznesin e ligjshëm. Dhe në fund foli për bashkëpunimin rajonal.

Në fjalimin e përgatitur ka shumë shifra, tha Edi Rama, dhe nuk do rrezikoj t’i përmend, por tha se në çdo shifër ka pasur përmirësime. Ndonëse ishte koshient se me emigrimin e popullsisë këto shifra pasyqrojnë rezultate pozitive në veçanti ajo marrëzia e uljes së papunësisë, ai e tha:

“E di që menjëherë njerëz që ndjekin këtë do thonë PO, sepse popullata është ulur, njerëzit janë larguar, por JO, sepse numri i papunësisë nuk vjen nga numri i personave që jetojnë tani në Shqipëri. Në një tjetër shifër e rëndësishme lidhet me investimet kemi nevojë për investime, por kemi progres, kemi rritje të investimeve, e më tëj. Por me lejoni të flas për sfidat. Më lejoni të theksoj se e kuptoj fare mirë, se duhet të përmirësojmë klimën e biznesit, duhet të përmirësojmë sjelljën e administratës tonë, sidomos atë që lidhet me veprimtaritë e biznesit. Jam optimist që do të kemi rezultate të qenësishme, sa i takon dixhitalizimit për njerëzit në biznes. Plani është që brenda 2020 të kemi 95% të shërbimeve të dixhitalizuara. Faza tjetër është që gjithçka të transferohet në internet, edhe licensa e dokumentacioni të vi përmes internetit. Ata do të paguajnë nga xhepi për cdo vonesë ndaj cdo personi që kërkon një dokument.”

Hapi i dytë është sistemi i gjurmimit e kërkimit, nga produktet e akcizës e produketet ushqimore, ujin e pijshëm e barnat.

“Hapi i dytë që do të ndryshojë shumë, do të jetë fiskalizimi që do të nisë të zbatohet së shpejti dhe do të sjellë rezultate të rëndësishme brenda këtij viti që transaksionet të bëhen në internet. Sot jemi larg, sepse në sistemin tonë nuk kemi transparencë sa i përket transaksioneve nga biznesi në biznes. Kjo do të thotë që ka shumë hije në këtë veprimtari, me fiskalizimin do të shohim cdo veprimtari në internet e cila shkon përmes një truri dixhital nën monitorimin e administratës fiskale. Kjo do të sigurojë transparencë. Hapi i dytë është sistemi i gjurmimit e kërkimit, nga produktet e akcizës e produketet ushqimore, ujin e pijshëm e barnat. Çdo pikë karburanti që del nga rrjeti i shpërndarjes do gjurmohet. Këto janë lajme të mira dhe jam i lumtur se pas kaq shumë vitesh punë, jemi gati të marrim frytet e asaj që kemi krijuar. Gjithçka do ndryshojë situatën për korrupsionin, ryshfetet,” tha Kryeministri edhe pse asnjë nga kompanitë shumë të suksesshme me karburante para ardhjes së tij në pushtet nuk funksionojnë, dhe asnjë pikë karburanti përveç Kastratit as që i shkon nëpër mend të ndal nga rrjeti i shpërndarjes.

Në fund, qershia mbi tortë ishte krimi dhe politika. E futi krimin në politikë, nuk u ndëshkua njeri por vetëm hapën krahun pas Ligjit të Dekriminalizimit, dhe sot kur çdo ditë i dalin kryebashkiakë kriminel ai deklaron se i ka ardhur fundi kohës kur krimi i organizuar hynë në administratë e politikë. Me këtë rast Edi Rama kishte një mesazh për biznesin e paligjshëm dhe atë të ligjshëm edhe pse ky i fundit pas 6 vjetësh të qeverisjes socialiste falimentoi:

“E dimë që një nga faktorët më problematikë është krimi organizuar dhe zhvatja, do të bisedojmë për një marrëveshje kundër krimit, duke i kërkuar çdo personi të dënuar deri tani të provojë që asetet që ka vijnë nga biznese legjitime, ndryshe të gjitha do të merren. Pra është një mesazh si biznesin e ligjshëm edhe të paligjshëm. Biznesit të paligjshëm do i themi që ky nuk është vendi i tyre dhe duhet të kalojnë shumë veshtiresi, ka ardhur koha ti shkojmë pas atyre seriozisht e të bëjmë të mundur që të gjithë këto gjëra negative që kanë bërë me krimin e organizuar duke hyrë në administratë e politikë, kjo kohë ka marrë fund,” tha Kryeministri Edi Rama duke mos harruar edhe bashkëpunimin rajonal për të cilin tha se do ta zhvillonte një diskutim të mëtejshëm, për të fokusuar Forumin Ekonomik të Tiranës në përmirësimin e ekonomisë tonë të rajonit.