Pasi kundërshtoi propozimin gjerman, Deputeti kosovar tallet me Edi Ramën

Pas refuzimit që Kryeministri i Shqipërisë i bëri propozimit gjerman të CDU/CSU për shtyrjen e zgjedhjeve dhe zgjidhjen e krizës, Shefi i Grupit Parlamentar të Nismës Socialdemokrate, Bilall Sherifi, është tallur me Edi Ramën, duke i kujtuar situatën kur shefi i qeverisë shqiptare i sugjeronte Prishtinës zyrtare që të dëgjohej këshilla e aleatëve, dhe Qeveria e Kosovës kundërshtonte aleatët gjerman.

“Në kohën kur bëhej presion ndaj Qeverisë së Kosovës që të ‘Suspendohej Përkohësisht’ taksa 100 % ndaj produkteve të Serbisë, Kryeministri i Shqipërisë Edi Rama kërkonte publikisht që të dëgjohej këshilla e aleatëve për ‘Suspendimin e Përkohshëm’ të kësaj takse, në mënyrë që: ‘T’i jepej një shans dialogut me Serbinë’,” i kujton Bilall Sherifi, përmes rrjetit social Facebook, rastin kur për pezullimin e taksës kundër produkteve serbe përveç Vuçiçit ishte i interesuar edhe koalicioni qeverisës i Gjermanisë për zgjidhjen e kësaj krize, nismë kjo e ngjashme me atë për Tiranën; Ku, siç thotë deputeti kosovar, ishte dhe Edi Rama që thoshte se aleatët nuk kërkojnë anulimin por pezullimin e taksës. Dhe, pikërisht këtë e kërkojnë aleatët edhe nga Edi Rama:

“Pas situatës së krijuar në Shqipëri, Qeveria e Shqipërisë është duke u ballafaquar nga të njejtit aleat me kërkesë që të ndryshojë qëndrimin për mbajtjen e zgjedhjeve më 30 qershor. Fundja, askush nuk është duke kërkuar që zgjedhjet të ‘Anulohen Përgjithmonë’, por vetëm të shtyhen përkohësisht në mënyrë që t’i jepet një shans ‘Dialogut me Opozitën Shqiptare’.”

Ndryshe nga elektorati josocialist në Shqipëri, Shefi i Grupit Parlamentar të Nismës Socialdemokrate, Bilall Sherifi, është më optimist:  

“Të shpresojmë që z.Rama, në të njëjtën mënyrë siç i thoshte qeverisë së Kosovës që të mos e sheh suspendimin e taksës si ‘Zbrapsje karshi Serbisë’, por si reflektim ndaj kërkesave të aleatëve, të veprojë në përputhje me po këto sugjerime edhe ndaj kërkesës së aletatëve për ‘Shtyerjen e Përkohshme të Zgjedhjeve’ dhe të mos e përjetojë shtyerjen si ‘Zbrapsje Karshi Opozitës’. Fundi i fundit, e mirë apo e keqe, opozita është shqiptare.”

Statusi i plotë:

Bën çka të them unë dhe mos bën çka bëj unë!

Në kohën kur bëhej presion ndaj Qeverisë së Kosovës që të “Suspendohej Përkohësisht” taksa 100 % ndaj produkteve të Serbisë, Kryeministri i Shqipërisë Edi Rama kërkonte publikisht që të dëgjohej këshilla e aleatëve për “Suspendimin e Përkohshëm” të kësaj takse, në mënyrë që: “T’i jepej një shans dialogut me Serbinë”.

Pas situatës së krijuar në Shqipëri, Qeveria e Shqipërisë është duke u ballafaquar nga të njejtit aleat me kërkesë që të ndryshojë qëndrimin për mbajtjen e zgjedhjeve më 30 qershor. Fundja, askush nuk është duke kërkuar që zgjedhjet të “Anulohen Përgjithmonë”, por vetëm të shtyhen përkohësisht në mënyrë që t’i jepet një shans “Dialogut me Opozitën Shqiptare”.

Të shpresojmë që z. Rama, në të njëjtën mënyrë siç i thoshte qeverisë së Kosovës që të mos e sheh suspendimin e taksës si “Zbrapsje karshi Serbisë”, por si reflektim ndaj kërkesave të aleatëve, të veprojë në përputhje me po këto sugjerime edhe ndaj kërkesës së aletatëve për “Shtyerjen e Përkohshme të Zgjedhjeve” dhe të mos e përjetojë shtyerjen si “Zbrapsje Karshi Opozitës”. Fundi i fundit, e mirë apo e keqe, opozita është shqiptare…