Pasi merr mandatin për kryeministër, Mickoski: Së shpejti do të formohet Qeveria e re
Presidentja e Maqedonisë së Veriut, Gordana Silanovska, sot i ka dhënë mandatin për formimin e Qeverisë së re, kryetarit të VMRO-DPMNE-së, Hristian Mickoski.
“Jemi dëshmitarë se sot skadon dita e 10, poashtu gjatë konstituimit të Parlamentit, kryetari i Parlamentit u zgjodh me 76 vota ‘për’. Ky rezultat dhe bisedimet që janë duke rrjedhë më japin të drejtën, të vlerësojë se lideri i VMRO-DPMNE-së, Hiristian Mickoski ka mundësi serioze të formojë qeveri, gjegjësisht të ketë 61 vota pas programit të tij dhe përbërjes së qeverisë që do ta propozojë në 20 ditët e ardhshëm,” tha Presidentja Silanovska duke i dhënë zyrtarisht mandatin.
Pas marrjes së mandatit, kryetari i VMRO-DPMNE-së, Hristian Mickoski, u zotua se do ta realizojë programin e premtuar para qytetarëve, dhe se së shpejti do të formohet Qeveria e re.
“Së shpejti nga sot do të formohet Qeveria e re reformuese e cila do të ketë qëllim kryesor të ecin proceset para. Të mos fundosemi si shtet dhe shoqëri në moçal, por ta zhvillojmë shtetin tonë, qytetarët të ndjehen mirë, të mos ketë qytetarë të rendit të parë dhe të dytë, të zhvillojmë punët në ekonomi, na pret një cikël i fort investues në ekonomi,” tha Hristian Mickoski i cili refuzoi të publikoj që sot emrat e ministrave dhe duke respektuar mandatin e marrë sot tha se prej sot fillojnë bisedimet e koalicionit për anëtarët e Qeverisë.
Ndryshe, qeveria e re do të formohet nga VMRO DPMNE, koalicioni shqiptar VLEN dhe lëvizja ZNAM, që së bashkua si mazhorancë e re qeverisëse do kenë 78 deputetë në Parlamentin e Maqedonisë së Veriut me 120 ulëse.
