Pasi ndau kombin në NE dhe ATA, Edi Rama: Gati të shkoj përtej të gjitha ndasive!

Erdhi në pushtet me pretendimin se e do bashkimin e Shqipërisë me Kosovën; U angazhua për copëtimin e Kosovës sepse donte të qëndronte në pushtet! Deri dje fliste për NE dhe ATA, por sot kur sondazhet konfirmojnë se ATA fitojnë, Kryetari i PS dhe Kryeministri Edi Rama është i gatshëm ti bashkohet dhe të bashkëpunojë me liderin e tyre, Lulzim Basha.

Sot, për Shqipërinë dhe shqiptarët është gati të shkoj përtej të gjitha ndasive të 30 viteve, thotë Edi Rama dhe ku në Kamëz, aty ku përçmoi çdo qenie njerëzore vetëm se pse kjo bashki drejtohej nga Xhelal Mëziu dhe ishte e populluara me veriorë. Sot kur ka Rakip Suli i zgjedhur nga pjesëmarrja e 9.9% të elektoratit drejton këtë bashki, Kryeministri Rama thotë se ka shkuar derë më derë dhe nuk i ka pyetur me kë je. Jo për gjë, por mendon se është lideri, udhëheqës, ka forcë të karakterit, vizioni për të ardhmen vetëm pse për 24 orë nuk tha, NE dhe ATA!

“Dje i thashë një gazetari, më pyeti si do ndodhi po nuk morët votat. PS do t’i fitojë zgjedhjet, kjo nuk diskutohet. Por çështja nuk është do fitojë apo jo, por si ne do shkurojmë kohën, do afrojmë të ardhmen, si ta prekim të ardhmen shumë më shpejt, ndërsa përndryshe nuk do të bëheshim bashkë.

Ndaj më pyet e thotë, e di fitore fitore, por më lini ta nxjerr këtë mendim. E di se fitorja nuk diskutohet, më lini të nxjerr mendimin, që t’ju them se fitorja nuk është për mua, as për elisën, Dallëndyshen, nuk është për ministrat e drejtorët, por për njerëzit e zakonshëm. Më lini ta them, fitorja është ëpr gjithë ato gra që shohin televizor dhe luajnë mendsh kur shohin politikanë që kacafyten, burra që i japin gojës deri në atë pikë sa tmerrohesh, për ato vajza që janë shumë më jetës sociale, shumë më të pranishme se dje në jetën sociale. Ju duhet një fitore që shkon përtej pandemisë, politikës, dhe që shkon.

Më thotë gazetari, a je gati të bashkëpunosh me Bashën? Patjetër, padiskutim, por me një kusht, të ndahet nga Saliu e Iliri.

Dhe Basha përgjigjet, përgjigjia e tij është thjesht dhe vetëm pohimi i fatit që ai nuk është lider, udhëheqës, ai është udhëndjekës i Saliut dhe Ilirit.

Unë për Shqipërinë dhe shqiptarët jam gati të shkoj përtej të gjitha ndasive të 30 viteve. Por që ta bësh këtë duhet të jesh lider, udhëheqës, duhet të kesh forcën e karakterit, duhet të kesh vizionin e të ardhmes, duhet që të jetosh së brendshmi me hallet ,stresin, me ëndrrat e njerëzve. Duhet të rrish pa gjumë kur njerëzit janë pa çati. Pa gjumë kur njerëzit janë pa gjumë he ata se kanë ankthin si do dalin nga padnemia. Duhet ëtë jesh mishërimi i karakterit shqiptar që adhurojmë në vjersha,e rrëfime. Nëse ne e mishërojmë më 25 prill dhe e kthejmë në fuqi të madhe transformuese nuk e ndal Shqipërinë asgjë,‘’ tha sot Edi Rama kur nga Shqipëria nuk ka mbetur asgjë, madje as rilindja e tij që u shpërbë dhe ish-ministrat e këtij sekreti kriminal flasin edhe atë që nuk duhet për liderin global.

Por edhe para 9.9 për qind të votuesve të Kamzës, tha se ishte politika që e la këtë bashki pa asnjë shpresë për vite të tëra, pa asnjë shpresë për një çerdhe, kopsht, shkollë, kanalizime ndonëse ka ekskluzivitetin për këtë gjendje të mjerë:

“Së bashku me Rakipin kemi shkuar derë më derë, kemi takuar njerëz të zakonshëm shqiptarë të fortë, familje njerëzish me shumë karakter. Nuk i kemi pyetur me kë je, as na ka interesuar fare nëse janë majtas apo djathtas, por thjesht i kemi qëndruar pranë cdo ditë, derisa i kemi sistemuar fillimisht në shtëpi me qira të paguara nga qeveria, ku të gjithë ata që presin të hyjnë në apartamente do të qëndrojnë deri në momentin kur të marrin çelësat e apartamentit të ri. Ajo çka i bashkon të gjithë njerëzit këtu në Kamëz është historia e përbashkët e fillimit të një rruge jashtëzakonisht të vështirë, historia e përbashkët e ardhjes nga zonat e tjera, nga periferi shumë të varfra, nga të katër anët, për të ndërtuar këtu të ardhmen për fëmijët, një jetë tjetër, të re, ndryshe. Shumëkush ndoshta është larguar edhe nga këtu për të shkuar në emigracion, për një jetë më të mirë, për të mos lënë asgjë pa bërë që familja të bëhet më e fortë.

Besoj se si askund tjetër, këtu në Kamëz, çdo njeri i arsyeshëm, çdo baba, çdo gjysh, që i ka duart me kallo, se e ka ndërtuar tullë për tullë shtëpinë e re, e kupton shumë mirë çfarë duhet të them kur them se shtëpia e re, shtëpia ku njeriu investon për një të ardhme më të mirë, nuk ndërtohet sa hap e mbyll sytë, duke ndenjur këmbë mbi këmbë, duke pritur që dikush tjetër ta bëjë për ty apo që të tjerë të të sjellin lekët, tullat, tjegullat dhe ti ta bësh kollaj. Çdo shtëpi këtu është ndërtuar me gjakun dhe me djersin e sakrificave të jashtëzakonshme. Njësoj si me tërmetin, me Covid-in, që shtëpia merr nga jashtë, familja reziston, vazhdon, nuk dorëzohet. Sa e sa herë baballarëve këtu në Kamëz, gjatë ndërtimit të shtëpisë, ju kanë munguar lekët,” tha Edi Rama, aty ku gjithçka ishte kriminale, çdo familje, çdo shtëpi, çdo biznes, deri sa bashkia drejtohej nga Xhelal Mëziu!

Por sot Kryeministri flet ndryshe:

“Përtej shtëpive, mua më vjen shumë keq, por ka një fakt shumë të vërtetë, që politika nuk ka bërë për Kamzën as një të njëmijtën e asaj që cdo kryefamiljar dhe cdo nënë, në cdo shtëpi këtu, ka bërë për familjen e vet. Kamza është vendi ku mund të flasësh pa asnjë gajle se mos nuk të kuptojnë, për faktin se kush mendon që politika është kot, është diçka e keqe, se nuk i duhet dreqit, gabon rëndë, sepse pikërisht ishte politika që e la Kamzën pa asnjë shpresë për vite të tëra, pa asnjë shpresë për një çerdhe, kopsht, shkollë, kanalizime. Është politika që sot po i bën të mundura të gjitha këto. Po të mos ishte politika, sot ne nuk do të ishim duke prekur numrin 300 mijë të shqiptarëve të vaksinuar. Po të mos ishte politika, qindra mijëra gjyshër e gjyshe nuk do të ishin çliruar nga armiku i padukshëm. Vaksinat nuk erdhën nga qielli, i solli politika. Rindërtimin nuk po e bën ndonjë dorë e padukshme, po e bën politika. Sot Shqipëria po del nga tuneli i pandemisë dhe shumë e çuditshme, po del shumë më shpejt se shumë vende të tjera,” tha Edi Rama duke mos sqaruar nga i mori socialistët socialistët që kishte mbledhur në stadium, pasi Rakip Suli u zgjodh Kryetari i Bashkisë Kamzë me vetëm 1.847 vota, shumë pak se numri i darsmorëve të cilës do dasëm në Kamëz.