Pasi nuk e bindi Fevziun, Taulant Balla vazhdoj përpjekjet me Prokurorin “për ta fituar lirinë”…
Pas rrëfimit të dështuar në “Opinion” ku nuk arriti të bindë as Blendi Fevziun sepse për opinionin publik as që bëhet fjalë, në mëngjes Kryetari i Grupit Parlamentar të PS, Taulant Balla mbërriti në Prokurorinë e Krimeve të Rënda për të depozituar padinë e re ndaj kreut të PD, Lulzim Basha, deputetit demokrat Ervin Salianji dhe ish-kreut të policisë bashkiake Florenc Hoxha.
“Në vijim të përpjekjes për të zbardhur të gjithë morinë e shpifjeve, isha sot në Prokurorinë e Krimeve të Rënda për të dhënë deklarimet e domosdoshme që sqarojnë të të gjitha shpifjet e hedhura në adresën e personit tim,” tha njeriu më i përfolur në PS dhe i kudondodhur në mesin e krimit.
“Deklarova pranë Prokurorit që shtetasin Alizoti nuk e kam takuar asnjëherë dhe nuk ka arritur ky person të ketë ndonjë lloj komunikimi qoftë verbalisht, qoftë përmes telefonit me personin tim. Dhe po aq e rëndësishme është të shpegoj që kam bërë kallëzim penal për kallëzim të rremë të kryer në bashkëpunim dhe për shpifje të kryer nga personat e akuzuar prej meje që janë Lulzim Basha, Ervin Salianji dhe Floren Hoxha, tha Taulant Balla në përpjekjen e tij të fundit për të bindur prokurorët dhe njëkohësisht për të zhvlerësuar dëshmitarin kyç kundër Babales. Dhe, nëse Reforma në Drejtësi vërtetë ka lënë gjurmë, dhe Fredi Alizoti rezulton që është dëshmitar i cili nuk gënjen, Kryetari i Grupit Parlamentar të PS, Taulant Balla duhet të shoqërohet nga Drejtori i Përgjithshëm i Policisë, Ardi Veliu, në qelitë e burgut. Pse jo, edhe në një qeli!
Ndryshe, padia e Ballës vjen pas videos me shtetasin Fredi Alizoti, të cilin rezlutoi se e intervistoi Florenc Hoxha dhe e publikoi deputeti Ervin Salianji, e ku dëshmtari kyç i Edi Ramës dhe Fatmir Xhafajt në zhvlerësimin e audiopërgjimit të Agron Geron Xhafajt është pikërisht Fredi Alizoti.
