Pasi nuk e bindi Putinin për Planin me Thaçin, Agjentja ruse: Vuçiç ashpërson fushatën antiruse!
Agjentja e shërbimit sekret rus, FSB, në Beograd, Dragana Trifkoviç, ka akuzuar ashpër Presidentit të Serbisë, Aleksandar Vuçiç, se pas mospranimit të Presidentit të Rusisë, Vladimir Putin, të planit që ai e kishte hartuar me Presidentin e Kosovës, Hashim Thaçi, Vuçiç e ka ashpërsuar fushatën antiruse.
“Aleksandar Vuçic ka çuar para fushatën antiruse në Serbi. Nuk arriti të bindë Putinin që të pranoj planin të cilin e ka hartuar me Thaçin që ta dorëzoj Kosovën, Medvegjën dhe Bujanocin, dhe të marrë dy fshatra duke e prezantuar si fitore të madhe,” thekson agjentja ruse e cila për dy ditë vazhdon sulmet ndaj Presidentit të Serbisë, pasi u transmetua në televizionin publik të Serbisë, RTS, filmi Dëshmitarët e Putinit.
“Rusia vazhdon të jetë besnike ndaj qëndrimit se problemi i Kosovës mund të zgjidhet në bazë të Rezolutës 1244 të KS OKB. Për këtë arsye dje në RTS, u transmetua filmi propagandistik “Dëshmitarët e Putinit”. Për këtë arsye nuk priti ndihmën shpirtmadhe ruse, dhe as nuk e publikoi në titujt kryesor të mediave që ai i kontrollon,” thekson Dragana Trifunoviç e cila u acarua sërish sot në orët e mbrëmjes për filmin në fjalë, duke theksuar se kemi të bëjmë me “propagandë antiruse në RTS. E drejta juaj është që të dëgjoni gënjeshtra.”
Ndryshe, Dragana Trifkoviç ishte deputete e Parlamentit të Serbisë në legjislaturën e kaluar me Partinë Demokratike të Serbisë. Më pas ka kaluar te partia ekstremiste “Dveri” ndërkohë Agjencia e Kosovës për Inteligjencë, AKI, e ka identifikuar si agjente me ndikim e FSB-së, përmes një operacioni kibernetik, kur dhe publikoi fotografinë e saj me dokument të FSB-së. Ndërsa institucionet e sigurisë së Ukrainës e kanë akuzuar se ka marrë pjesë si një vëzhguese e rrejshme të zgjedhjeve në Krimenë e okupuar nga rusët.
Ndërsa filmi i metrazhit të gjatë “Dëshmitarët e Putinit” Vitalij Manski merret me kronologjinë e ardhjes së Putinit në pushtet dhe mënyrës së çmendur. (Svideteli Putina/ Putin’s Witnesses, 2018)
Detajet e filmit nuk e kanë acaruar kot Kremlinin zyrtar dhe Trifkoviçin e cila i shërben në Beograd, sepse kemi të bëjmë me autorin e filmit i cili ishte ithtarë i Putinit dhe Redaktor Përgjegjës i Programit Dokumentar në televizionin publik rus që ka në pronësi qindra orë të materialit arkivor, dhe dëshmon mbi mënyrën e pistë të ardhjes së presidentit në pushtet dhe mbajtjes së këtij pushteti që sot ka shumë pikëpyetje.
Ja postimi i plotë
Aleksandar Vuçic ka çuar para fushatën antiruse në Serbi. Nuk arriti të bindë Putinin që të pranoj planin të cilin e ka hartuar me Thaçin që ta dorëzoj Kosovën, Medvegjën dhe Bujanocin, dhe të marrë dy fshatra duke e prezantuar si fitore të madhe.
Rusia vazhdon të jetë besnike ndaj qëndrimit se problemi i Kosovës mund të zgjidhet në bazë të Rezolutës 1244 të KS OKB. Për këtë arsye dje në televizionin publik të Serbisë, RTS, u transmetua filmi propagandistik “Dëshmitarët e Putinit”. Për këtë arsye nuk priti ndihmën shpirtmadhe ruse, dhe as në e publikoi në titujt kryesor të mediave që ai i kontrollon.
