Pasi nuk e kontrollon më opozitën, Berisha: Edi Rama ndërmori aktet kundër Sali Berishës!
Kryeministri Edi Rama ndërmori aktet kundër Sali Berishës, pikërisht kur e kuptoi se nuk mund të kontrollojë më opozitën, tha sot Kryetari i Partisë Demokratike Sali Berisha, duke siguruar se një procesi politik do i përgjigjet me një gjyq politik ndaj Edi Ramës.
Sot Konferencën e Përjavshme Kryetari i Partisë Demokratike e filloi me ngjarjen e djeshme në Parlamentin e Shqipërisë duke akuzuar SPAK-un se nën urdhrat e partisë, vrapoi në sallën e parlamentit për të sajuar vepra kriminale.
“Zhvillimet dramatike të djeshme në parlament dhe pas parlamentit, janë dëshmi e pakontestueshme e narkodiktaturës së vendosur në Shqipëri.
Janë fytyra e vërtetë e regjimit.
Deputetë të opozitës me të drejta të mohuara në mënyrë antikushtetuese nga Edi Rama, kanë nisur betejën e tyre parlamentare për rivendosjen e të drejtave të tyre.
Këtë betejë ata e kanë nisur me qëllimin e parë, rivendosjen e të drejtave dhe mosbojkotin e parlamentit.
Pra, ata kanë përjashtuar rrugën e bojkotit të parlamentit.
Pra, midis kësaj dhe betejës për të drejtat e tyre në parlament, kanë zgjedhur betejën për të drejtat e tyre në parlament.
Mendoj se kjo është rruga më kushtetuese, më e ligjshme, më përfaqësuese dhe më e përgjegjshme e këtyre deputetëve.
Në këto qëndrime, ata u përballën dje me një situatë banditeske ndaj tyre në parlament.
Edi Rama urdhëronte me Taulant Ballën, deputetë të tij që të vërsuleshin kundër deputetëve të opozitës në protestë.
Edi Rama me Lindën e tij në parlament kishte futur në sallën e parlamentit, në kundërshtim absolut me ligjet, njerëz të armatosur.
Edi Rama, në kundërshtim flagrant me ligjin, kishte futur në parlament policinë, ndërkohë që siguria në parlament, qytetarët shqiptarë paguajnë me dhjetëra rroga punonjës të sigurisë së parlamentit, që është repart i gardës së vendit.
Skenat e qëndrimeve ndaj parlamentit ishin të gjithë të dirigjuara.
Por po kaq e rëndë dhe kaq e shëmtuar ishte vrapimi pas ngjarjes në parlament, i SKAP-it të partisë, i cili ka shkelur çdo ligj dhe çdo rregull.
Nuk kishte asnjë vepër krimi, nuk pati të plagosur, pa le më më shumë.
Nuk ndodhi asnjë problem i veçantë, përveçse një proteste legjitime të opozitës.
SKAP-i nën urdhrat e partisë, vrapoi në sallën e parlamentit me shoqëruesit e tij, për të identifikuar, për të sajuar, trilluar vepra kriminale.
Fytyra e shëmtuar policeske e narkoshtetit. Dëshmi e fytyrës së shëmtuar policeske të narkoshtetit.
Ju ishit aty, shqiptarët e ndoqën në çdo moment atë, pse shkonte SKAP-i i partisë?
Edi Rama është tmerruar, ka humbuar, moral nuk ka pasur ndonjëherë, por i ka hyrë drithërima dhe frika në palcë.
Mendon se duke sjellë skapistë në parlament, do të mund të dekurajojë në betejën e tyre deputetët e opozitës, më e drejta në historinë e një parlamenti, për të drejtat e tyre kushtetuese.
Formuluan akuza kriminale për të dërguar në Gjykatën e Lartë.
Por kur ne i dërguam në Gjykatën e Lartë, goditjen që i bënë Gent Strazimirit, Pjerin Ndreu me banditin tjetër, gjykata u përgjigj se kjo zgjidhet me masat që ka marrë parlamenti.
Por këtë herë kanë Sadushin omnipotent aty dhe ia dërgojnë atij, si siguri të madhe për të marrë ndonjë masë,” tha Sali Berisha duke sqaruar në vijim pse Edi Rama ndërmori aktet kundër Sali Berishës.
“Tani unë jam këtu për këto çështje.
Së pari, për të konfirmuar qëndrimin e PD se asgjë, nuk do mund të ndalë betejën pa kthim të deputetëve të opozitës, përveç rikthimit të të drejtave të tyre. Ne jemi të interesuar për jetë parlamentare normale në përputhje me Kushtetutën dhe rregulloren.
Ne nuk po bojkotojmë, pikërisht se jemi të interesuar, përndryshe nuk do shkonim në parlament.
Por jo, ne po shkojmë në parlament, po protestojmë se jemi të interesuar për jetë parlamentare normale.
Së dyti, e garantoj Edi Ramën se asnjë lloj mase përveç rikthimit të plotë të të drejtave kushtetuese të deputetëve të opozitës, nuk do mund të bllokojë protestën e deputetëve të PD.
Së treti, mashtrimi i paskrupullt i tellallëve dhe zyrtarëve të qeverisë, se kjo që ndodh ka lidhje me persekutimin politik të Sali Berishës dhe Jamarbër Malltezit, është një gënjeshtër e turpshme.
Kjo është shpallur përpara se Edi Rama të shpallë masat.
Edi Rama ndërmori aktet kundër Sali Berishës, pikërisht kur e kuptoi se nuk mund të kontrollojë më opozitën, e kuptoi se PD sot në këmbë është e vendosur të përmbysë regjimin e tij.
Edi Rama ka ecur i sigurt, se ka pasur në kontroll opozitën shqiptare.
Ai e pa gjatë muajit të fundit se ky kontroll dhe pasojat e përçarjes së tij morën fund.
Dhe ky është shkaku i tronditjes së tij gjer në palcë. Ai e di se këtë opozitë nuk ka forcë në botë që mund ta ndalë pa realizimin e qëllimeve të saj, rikthimin e votës së lirë të shqiptaërve.
Ai e di mirë se me një opozitë të vërtetë nuk fiton kurrë.
Ai e di mirë se sot opozita nuk mund të kontrollohet më prej tij, nuk i nënshtrohet me asgjë tjetër përveç ligjeve të vendit dhe është shndërruar në dy muaj në tmerrin e vërtetë të tij,” tha lideri i opozitës duke siguruar se një procesi politik do i përgjigjet me një gjyq politik ndaj Edi Ramës
“Përsa i përket Sali Berishës dhe procesit politik ndaj tij, ju garantoj se do i bëj gjyqin politik para jush Edi Ramës. Por pa i ngatërruar këto të dyja.
Do i bëj gjyqin e shekullit atij.
Një procesi politik do i përgjigjem me një gjyq politik. Këtë nuk mund ta shmangë. Por asnjë njeri nuk mund të thotë se kjo ka lidhje me protestën pasi protesta u shpall kohë përpara. Edhe Edi Rama mendoi se antidoti i kësaj proteste është procesi që shpalli.
Po atë unë do ta zbërthej në çdo segment të këtij, si një proces të turpshëm politik ndaj Sali Berishës dhe Jamarbër Malltezit.
Kjo është çështje dhe Sali Berisha këtu e ka detyrim madhor këtë ndaj çdo demokrati, ndaj çdo qytetari shqiptar që i intereson e vërteta.
Fakti që nuk guxuan mercenarët e Edi Ramës të thërrasin njëherë, të marrin njëherë në pyetje, aty mungon dokumenti kryesor, të marrin njëherë në pyetje Sali Berishën, dëshmon tmerrin që kanë ata nga Sali Berisha.
Tre vite, nuk guxuan një pyetje.
Por të mos i përziejmë gjërat, ai një gjyq politik i shekullit ndaj diktaturës dhe Edi Ramës, kjo një betejë për rivendosjen e Kushtetutës.”
E pashmangshme ishte çështja McGonigal për të cilën u dhanë ca shenja se po hetohet, por të besosh, tha ai, se SPAK po e heton për të fajësuar Edi Ramën, duhet t’i besosh rrethit katror.
“Edhe unë kam informacione që SPAK po heton çështjen McGonigal.
Por të besosh se po e heton për të fajësuar Edi Ramën, duhet t’i besosh rrethit katror.
E hapën hetimin përpara se të merrej në pyetje nga FBI, Edi Rama- pastaj këtu nënkuptohet që një kërkesë ka ardhur për këtë dhe nuk mund të refuzojnë, apo e hapën hetimin sepse e dinë se do kërkohet kontributi i tyre, se në shkurt është procesi, por të garantoj që në çdo rast, ata janë të aftë, siç e faktoi procesi politik ndaj meje, të fshehin dokumente, të falsifikojnë realitete, për të mbrojtur Edi Ramën.
Unë nuk mund të kem veçse respekt të plotë dhe mbështetje të plotë për cilindo nga ata gra e burra që bëjnë ligjin aty.
Por a mund të pajtohem ata me praktikën e tyre kur ata Behar Bajrin dhe Denis Bajrin, të arrestuar nga një koleg i tyre në Shkodër për vrasjen e tjetrës në gjumë, të fejuarës, e marrin dhe e çojnë në Shkodër për t’u liruar, me pretekstin se nuk janë organizatë kriminale.
A mund t’i kapërcej unë këto? A mund të kapërcej unë faktin se Erion Veliaj është me të gjitha dokumentet strumbullari kryesor i veprës penale të djegësit të Tiranës, dhe ata nuk ngrenë dot një akuzë ndaj tij.
Përkundrazi, edhe personat që i kanë marrë në pyetje, Alberto Presecin dhe Miliad Lopën, të cilët sipas vetë atyre u kanë thënë se nuk kemi punë me inceneratorin, sipas vetë SKAP-it, vijnë në Tiranë me faturën 100 milionë euro për të marrë SKAP-in për të larë paratë e Pasdaranit apo tjetërkujt.
A mund të pranojmë ne se nuk kontrollohet SKAP-i? Kurrë, prokurorët e SKAP-it të Ilir Beqajt, të aferës së sterilizimit, vënë në arrest një seri vartësish të tij dhe nuk ngrenë padi penale ndaj Ilir Beqajt, i cili ka firmën e tij në katër momente kryesore, në një aferë të tmerrshme që rriti faturën e sterilizimit 83 herë.
Le që për të larë duart, kryetari i SKAP-it nuk bie dakord, por çon një opinion të veçantë. Kjo nuk e ekzonoron atë. Nuk mund të ndodhte kjo. Ai është kryetar për të vëzhguar zbatimin e ligjit.
Se kjo çfarë do të thotë? Këta të dy nuk janë në rregull, unë për kaq. Gjykatësi mori një vendim, por nuk mori vendimin e duhur se personi kryesor përgjegjës ishte Ilir Beqaj.
Unë nuk mund të pajtohem kurrë me këtë. Mos e merrni se unë kam një gjë personale. Absolutisht asgjë personale.
A mund të pajtohem unë këtu me praninë e atij Shehajt që gënjente për Mehmet Grecën? Mehmet Greca trafikant i dënuar me 7 vite në Britani për 40 kg kokainë, plot makinën me ID dhe fletë votimi e euro, anëtari më i ngushtë i stafit të Taulant Ballës, dhe del në media e thotë se në makinë nuk kishte asgjë. Si mund të përfundojë në SKAP ai?
Kush e solli dje SKAP-in në parlament? Nuk mund ta bënin kurrë këtë. Vetëm ata që i kontrollon Taulant Balla për lidhjet e tyre me krimin mund të bëjnë një gjë të tillë. Kështu që ky është nën kontroll të plotë të Edi Ramës,” tha Berisha ndërsa paralajmëroi se demokratët janë në këmbë.
“Mendoj se duhet të qartësojmë çdo gjë.
Kjo betejë në parlament është nisur betejë e grupit të deputetëve.
Dhe njëherë, kjo betejë nuk ka, qëllimi i saj është rikthimi i të drejtave kushtetuese dhe këtu janë të bashkuar të gjithë deptutetët.
Ne jemi për funksionimin e parlamentit, nuk jemi as për bllokimin e tij dhe për asgjë tjetër.
Me ato dokumentacion që disponojmë për zgjedhjet, beteja do të vazhdojë, po beteja nuk vazhdon më me parlamentin, parlamenti thashë funksionon, beteja do të vazhdojë me të gjithë shqiptarët që duan të rikthejnë votën e lirë.
Jemi në vazhdim, ju kam thënë se kjo është betejë pa kthim.
Të gjithë shqiptarët që duan që vullneti i tyre të mos shkelmohet nga banda si Bajrët, si Rraja, nga banda të tjera në qytet, të votojnë të lirë.
Edi Rama e ka kuptuar këtë, nuk ka më kontroll mbi opozitën.
Ka një opozitë të fuqishme që në mënyrë absolute do çojë popullin opozitar drejt fitores. Unë mendoj se çdo vendim do të diskutohet në kryesi të partisë me deputetë dhe me radhë.
Sot për sot, u them që përqendrimi i plotë dhe total është te të drejtat kushtetuese të deputetëve në parlament.
Kurse proceset gjyqësore janë një dëshmi tjetër e shëmtuar e përpjekjeve të Edi Ramës për të dhunuar identitetin e forcës sonë politike.
Në histori ekziston e njohur si barbari ekstreme, përpjekja për zhdukjen e identitetit. Këtë e kanë përdorur nazistët në kampet e përqendrimit, kur hebrenjve u vendosnin numra dhe ua fshinin emrat, këta e kanë përdorur të tjerët në praktikat e tyre asimiluese, këtë mendon Edi Rama të përdorë kundër demokratëve, por demokratët janë në këmbë.
E morët vesh për Muçin? Nuk patën mundësi kurrsesi të kapërcenin një korruptokrate me byk ndërgjegje. Do mësoni të dhëna të tjera për këtë Irenën, për këtë tjetrën, për Blerinën tjetër.
E morët vesh ç’ishte? E marrë peng, por në fund të fundit nuk e kapërcyen dot kurrsesi.
Njeri që shkroi në mënyrën më të turpshme, në mënyrë kriminale, ligje në vendimet e saj. Thirri palë atë që nuk ishte kurrë palë. Që kishte refuzuar të ishte palë. U bë pjesë e përpjekjeve të Edi Ramës për të shkatërruar identitetin e një force politike.”
Në fund të kësaj konference të përjavshme, Kryetari i Partisë Demokratike akuzoi prokurorët e SPAK-ut duke i sguruar qytetarët se do ju faktojë se ç’përfaqësojnë këta dhe do t’i bindë se në këtë vend, për ta drejtësi nuk ka.
“Ato që kam thënë për SKAP-in, ato i kam thënë bazuar në dokumente të pakundërshtueshme.
Unë nuk diktoj protokollin e askujt, por nuk sulmoj njeri, aq më tepër njerëz që zbatojnë ligjin ndonjëherë, pa prova, fakte dhe dokumente. Kjo është përgjigjja ime.
Ata që menduan se do të terrorizojnë qytetarët, do të provohen me gjyqin e shekullit.
Tani ata menduan që t’u përcjellin nëpërmjet meje mesazhin qytetarëve që shiko, kur jemi në gjendje të manipulojmë, të trillojmë, të sajojmë një proces kundër Sali Berishës, imagjinoni ç’mund t’u bëjmë ju nëse nuk ulni kokën.
Po Sali Berisha do u faktojë qytetarëve se ç’përfaqësojnë këta dhe do t’i bindë ata se në këtë vend, për ta drejtësi nuk ka.
Shkoni ndiqni gjyqet ju.
Çfarë janë? Janë një përzierje krimi, ryshfeti, abuzimi ligjor. Aty vërtet ke të pandehur dhe vërtet që kanë kryer krime. Po ke aty nga ata që gjykojnë që kryejnë po ata krim. Që u marrin para. Ose që i gjobisin në mënyrë të tmerrshme për t’u dhënë dokumentet. Ose nuk u japin fare dokumentet.
Ndaj vetëm në Gjykatën e Apelit, mijëra procese shtyhen në javë, nuk zhvillohen.
Secili gazetar është i ftuar të vëzhgojë veprimtarinë në sallën e gjyqit dhe do gjejë një situatë të pabesueshme. Ua them unë, të pabesueshme.
Tërësisht të papërballueshme për qytetarin për pagesat që duhet të bëjnë. Tmerrësisht. Për të marrë një dosje, duhet të paguajë qimet e kokës, për të marrë vendimin, nuk e merr kurrë në kohë,” tha Kryetari i Partisë Demokratike, Sali Berisha duke përfunduar:
“Pra, kemi të bëjmë me një degradim total të një sistemi që është jetik për të drejtat dhe liritë e qytetarëve.
Unë u shpreha këtu si zëdhënës i mijëra qytetarëve. Por situata është më e turpshme.”
