Pasi nuk e mbajti premtimin, Rama: Pfizer nisë furnizimin të hënën, s’do mungojë…
Sot në ditën kur skadoi premtimi se do të filloj vaksinimi në javën e tretë të janarit dhe vaksinat Pfizer nuk janë asgjëkundi, Kryeministri Edi Rama bënë premtimin e radhës se kur do të vaksinohemi ndërsa foli për një luftë e paimagjinueshme interesash e prapaskenash në të gjetje të shtegun për të qenë më afër vaksinës.
Gjatë një bashkëbisedimi nga Korça, Kryeministri Edi Rama tha se është marrë konfirmimi që të fillojë furnizimi me vaksinat Pfizer nga dita e hënë por sot foli edhe për një Plan me tre skenarë.
“Vaksina, besoj po e ndiqni ç’po ndodh me vendet e mëdha që kanë vështirësi për ta garantuar për shkak se pfizer ka bërë një frenim të prodhim me argumentin se i duhet kohë për të financuar investimin në rritje të prodhimit. Është një raport i zhdrejtë. Dhe është e kuptueshme që gjithë planeti do vaksinë, Ne në radhë të parë më vjen mirë që ia dolëm të dalim nga rrethimi ku u gjendën pa dëshirën dhe jo për fajin tonë, së bashku me vende të tjera që u lanë jashtë dhe arritëm të kemi një marrëveshje me Pfizer pa prit COVAX dhe që nuk dihet kur do fillojë,” tha Edi Rama duke dhënë premtimin e ngjashëm si të fillimjanarit vetëm sa përditësoi datën e fillimit të vaksinimit:
“Kemi një kontratë me Pfizer për 500 mijë doza e rinovueshme. As ne nuk bëjmë përjashtim nga e përgjithshmja, nuk i patëm në kohë vaksinat, kemi marrë konfirmimin që do të nisë furnizimi nga Pfizer ditën e hënë, shpresoj mos marrim njoftim tjetër. Do nisim me një sasi më të vogël se e premtuara po do të vijnë duke u rritur shpejt. Jemi afër dozës së dytë për ata që e kanë marrë dhe në momentin që nis furnizimi do kemi mundësi ta shtrijmë shumë shpejt për ju, mjekët e infermierët. Kemi negociata të avancuara me Astrazenecan, janë disa vaksina të tjera që janë rrugës për të dalë. Është një luftë e paimagjinueshme interesash e prapaskenash për të gjetur shtegun për të qenë më afër vaksinës. Nuk do të kemi mungesa si doza,” tha Kryeministri Edi Rama duke folur edhe për një Plan që e ka me tre skenarë.
“Ministria e Shëndetësisë ka krijuar stafin intensivisht për të gjithë programin e trajnimit, është pak specifik nuk është si vaksinat e gripit që bëhen nga të gjithë do pak informim. Skenari tjetër është 18 muaj dhe tjetri 24. Ndaj jam i sigurtë se do të jemi në rrugën e duhur edhe në këtë aspekt.”
Ndryshe, për dallim kur u dha premtimi i parë dhe ishin 58.723 pozitive, sot kur Kryeministri Edi Rama ia palsë premtimit të radhës, sipas të dhënave të Ministrisë së Shëndetësisë janë 76.350.
