Pasi nuk e ndaloi dot shiun me Gjykatë Kushtetuese, Rama: Lumenjtë nuk ulen me protesta!
Pasi nuk e ndaloi dot shiun me Gjykatën Kushtetuese siç e ndaloi SPAK-un dhe GJKKO-n për ta luftuar vjedhjen e buxhetit të shtetit, Kryeministri Edi Rama u kujtua të mbledhë Komitetin Ndërministror të Emergjencave Civile vetëm kur familjet e zonave të përmbytura u ngritën në protestë sepse mbetën në qiell të hapur dhe në mëshirë të fatit, dhe jo pse duhet të menaxhonte përmbytjet e ditëve të fundit si kreu i qeverisë.
Dhe, ndryshe kur ishte në opozitë dhe akuzonte Sali Berishën për tokën e përmbytur shqiptare sepse shiu ka punën e vetë, sot si Kryeministër, Edi Rama thotë se në këtë situatë nuk kërkohen fajtorë ndërsa gjeti përgjigje për akuzat e opozitës, duke shpikur ujin e ngrohtë konstaton se “shiu nuk ndalet me shpifje dhe lumenjtë nuk ulen me protesta”.
Ndonëse shifrat e Kryeministrit nuk përkojnë me realitetin, edhe ato Zyrtare të Edi Ramës me 1.587 banesa me prani uji, tregojnë se janë evakuuar vetëm 339 persona dhe 51 familje, ndërsa për mbi 13 mijë hektarë tokë bujqësore që janë përmbytur, i pari i qeverisë kishte vetëm premtime sepse fermerët shqiptarë ngelën duke u ankuar madje edhe duke e shpëtuar ushtrinë që ngecë në tokat e përmbytura në përpjekje për të shpëtuar faqen e zezë të Kryeministrit.
“E di që fjala durim mund të tingëllojnë si e tepërt. Por është e nevojshme ku ajo që po përjetojmë nuk është thjeshtë moti i keq. Shiu nuk ndalet me shpifje, si ato që nuk punojnë hidrovorët, lumenjtë nuk ulen me protesta, si ato që nuk kanë lidhje me arsyen pse përmbyten shtëpitë në territore vurnerabël, retë nuk shpërndahen.
Janë reagime që ushqejnë ndarje, jo ndihmë. Në një situatë si kjo nuk kërkohen fajtorë, por ndihmohen njerëz. Është një gjendje atmosferike e zgjatur që nuk prekur vendin për ndonjë arsye që lidhet me vendin tonë, ndonjë arsyet që zjenë në ato 700 tenxheret politike mediatike në vend, por ka prekur një hartë të tërë. Nga Italia, në Greqi, në Mal të Zi, Kosovë, Kroaci, ku i njëjti i ftohtë i njëjti shi, dëborë dhe të njëjta përmbytje e bllokime kanë krijuar të njëjtën situatë të rënduar për njerëzit,” tha Edi Rama duke harruar një detaj shumë thelbësor, se në ato shtete Kryeministrat nuk akuzuan popullin se ka hedhur mbetje vend e pa vend por ishin në krye të detyrës me Komitetin e Emergjencave Civile.
Dhe, si zakonisht, kur vetëm detyrën e Kryeministrit nuk bënë, sot gjeti ta bëjë atë të meteorologut:
“Një masë ajri i ftohtë nga veriu është përplasur më një masë ajri të ngrohtë në Mesdhe dhe ka krijuar një vorbull atmosferike duke sjellë reshje të vazhdueshme dhe temperatura të ulëta, prandaj edhe lumenjtë rriten përsëri para se të bien, prandaj edhe toka mbetet e ngopur me ujë, prandaj edhe reshjet e shiut dhe dëborës marrin një përmasë krejt anormale. Ndryshimi klimatik nuk do të thotë vetëm verë më të. nxehtë, por stinë të çrregullta, sisteme më të ngadalta atmosferike dhe më të papritura dhe më ekstrem.”
Në fund, për njerëzit që vazhdojnë të jenë nën ujë dhe nuk ndihmohen, pa marrë asnjë përgjegjësi për situatën e krijuar si për motin e paralajmëruar ashtu dhe kanalet e pusetat e bllokuara që nuk u pastruan duke pritur këto reshje shiu, Kryeministri Edi Rama nuk i mirëkupton pse ata ankohen.
“Njerëzit nuk kanë nevojë për britma, shpifje, por për solidaritet dhe bashkim forcash. Në të gjithë vendin janë ulur sasitë e reshjeve, përjashtuar Durrësin ku janë regjistruar 40 milimetra shi. Janë në rang vendi 1587 banesa me prani uji, 339 persona janë evakuuar dhe 51 familje, mbi 13 mijë hektarë tokë janë përmbytur. Sasi e reshjeve ka qenë e jashtëzakonshme.”
