Pasi përçau kombin, Rama: Gati të ulem në një tryezë me Metën e Bashën, mesazh i fortë i unitetit kombëtar!

Pas 7 vjet qeverisjeje me ose pa tepsi, kur shkatërroi gjithçka kombëtare dhe shtetërore me ose pa Ilir Metën, sot në Ditën e Evropës, Kryeministri Edi Rama tha se për të vijuar në rrugën e anëtarësimit në BE, është i gatshëm t’i çojë një mesazh uniteti kombëtar Brukselit. Me kë?! Edhe këtë e sqaroj!

Kryeministri Edi Rama tha sot pasi një lumi akuzash për shtat vjet mbi supet e liderit të opozitësh Lulzim Basha, dhe katër vjet pas divorcit me mikun e tij Ilir Meta, se është gati të ulet në një tyrezë me Presidentin Ilir Meta dhe Kryetarin e PD, Lulzim Basha sepse pas shumë bëmave në këtë vend, pikërisht në Ditën e Evropës na e paska kuptuar se Tangoja dhe Vallja e shpatave nuk kërcehen vetëm.

“Ka shumë mënyra për të trajtuar mosdakordësitë që nga sherri, konflikti deri tek diskutimi i hapur, shkëmbimi etik dhe dëgjimi i kujdesshëm i tjetrit pavarësisht nëse në fund nuk bie dakord. Unë jam i pari që e dëshiroj dhe që jam i gatshëm të bëj gjithçka që ta nxis. Në takimet e mbyllura që kemi pasur me përfaqësuesit e qeverisë në Këshillin e Sigurisë nuk jemi marrë vesh për të gjitha por mënyra se si janë trajtuar mosdakordësitë është ajo çka të gjithë ne ta kalonim nga një hapësirë e mbyllur në një hapësirë publike,” tha Edi Rama duke folur dhe për situata ku Presidenti dhe lideri i opozitës ishin njerëzor. Jo, ai vetë, ai gjithmonë ishte në nivel.

“Nëse të gjithë ju do të kishit parë tonin dhe adresimin e çështjeve nga palët dhe për mosdakordësitë në Këshillin e Sigurisë do të thoshit uauuu politika shqiptare të arrijë vallë deri këtu. Nëse ai format etik dhe ajo atmosferë do të kalonte në pronësi të publikut dhe do të ishte hapësira e ndërveprimit mes palëve në publik po ju them që Shqipëri do të dukej ku e ku më mirë dhe sinqerisht nuk do ua kishim zili vënëve shumë herë më të mëdha tonin dhe intensitetin e komunikimit për nga cilësia dhe përmbajtja e tij. Në mjedisin publik politika rëndomë kthehet në vulgaritet dhe sherrnajë dhe i bën dëm të madh vetes, palëve dhe marrëdhënieve të njerëzve me politikën. Politika ka lindur për t’iu dhënë mundësi njerëzve të bëjnë së bashku gjëra që vetëm nuk i bëjnë dot. Tangoja nuk vallja e shpatave nuk kërcehen vetëm”, tha Rama duke u shprehur i gatshëm për bashkëpunim ndërsa në krah kishte Ambasadorin e BE në Tiranë, Luigi Soreca, dhe u fliste shqiptarëve të cilët si në vitin 2013 ashtu dhe sot e dinë fare mirë se si luhet Tango dhe Vallja me shpata, ashtu siç e dinë mirë se çfarë ishte etike e shkatërroi Rama dhe Meta, çfarë ishte kombëtare e shkatërroi si me Metën ashtu dhe vetë, e për unitetin jo gjithçka është e pashpresë, sepse thjeshtë mund të largohet.

Por, Edi Rama mendon se të gjithë rrotull i ka shkelë, edhe Metën që i gjunjëzohet ditëve të fundit, dhe nuk e mendon largimin dhe çlirimin kombëtar por integrim në BE përmes një mesazhi imagjinar të unitetit kombëtar, që zili do ta kishte edhe Ish-Ministri i Jashtëm i dështuar, Ditmir Bushati, pas shumë zvarrtjeve me akuza të sofistikuara kundër Sali Berishës.

“Ne po përgatitemi për të vijuar me integrimin. Falenderoj miqtë tanë në Bruksel që po na qendrojnë pranë në eksperiencën e negocimit të anëtarësimit. Tashmë që negociatat janë hapur dhe kërkohet përgatitje, po ju them që plani i punës është detajuar për muajt në vijim. Qeveria mban peshën kryesore por këtu duhen të gjithë aktorët të kontribuojnë, ne kemi vullnet të ulemi në një tyrezë me Presidentin e Republikës, kryetarin e opozitës dhe përfaqësues të institucioneve të pavarura. Le të jetë kjo tryezë ku do të shprehim vullnetin e përbashkët, ku secili të bjë detyrat e veta, pa iu imponuar tjetrit por për të dhënë edhe një mesazh të fortë të unitetit kombëtar. Në këtë proces që të gjithë e duam integrimin e Shqipërisë në BE. Jemi gati të ulemi me Presidentin, opozitën parlamentare dhe jashtëparlamentare, të mundemi të japim një kontribut të gjithë,” tha Kryeministri Edi Rama duke ngatërruar liderin e opozitës me një nga ata klerikët që i shetiste rrugëve të Parisit ose President i Republikës i cili është para ditës së gjykimit.

Reforma zgjedhore, Ambasadori Soreca: Palët të gjejnë kompromisin!

Ambasadori i BE në Tiranë, Luigi Soreca, pasi dëgjoi shumë nga çudirat e Edi Ramës në një thesë të përgatitur për Ditën e Evropës, dha mesazhe të qarta politike jashtë dyshes mashtruese Rama-Meta. Për reformën zgjedhore, për të cilën duket se palët nuk po gjenë dakordësi, Soreca u shpreh se në javët në vijim palët duhet të përafrojnë qëndrimet.

“Të gjitha janë përparësi të qeverisë. Këtu çelësi është bashkëpunimi. Qeveria dhe kryeminsitri ka barrën e parë që Reforma në Drejtësi të vazhdojë, ndërsa ne do vazhdojmë të japim mbshtetjen tonë për institucionet shqiptare, pasi duhet të fillojmë negociatat sa më shpejt të jetë e mundur. Negociatat do sjellin sa më shumë asistencë dhe mundësi në të ardhmen. Në javët në vijim duhet të gjendet kompromis që të gjitha palët të gjejnë ekuilibrin e duhur për reformën zgjedhore”,- tha Soreca.

Ambasadori i BE, Luigi Soreca tha se Bashkimi Europian do e mbështesë planin ekonomik që po përgatite nga qeveria, ndërsa foli për një tjetër plan ekonomik dhe investimesh në korrik.

“BE ka treguar një solidaritet të madh. Kemi qenë në terren për t’iu përgjigjur nevojave të menjëhershme. Dëshirojmë ta mbështesim Shqipërinë për rimëkëmbjen e vendit. Natyrisht që COVID-19 do ketë ndikim ekonomik kështu që plani që po përgatitet nga qeveria do ketë mbështetjen tonë. Në muajin korrik do kemi një plan ekonomik dhe investimesh që po përgatitet ndërkohë jo vetëm për Shqipërinë por gjithë rajonin për të ndihmuari institucionet të dalin nga kjo krizë. E duhur ishte përgjigjja”, tha Soreca.

Me këtë rast Kryeministri Edi Rama bëri të ditur se në krye të grupit negociator me Bashkimin Europian, ka emëruar diplomatin Zef Mazi.

“Kemi ngritur edhe grupin negociator, është momenti për ta thënë emrin e kryenegociatorit edhe pse na ka kritikuar neve, kjo është një arsye më shuë për ta përfshirë në këtë process, është i njohur dhe i respektuar nga të gjithë, ambasadori Zef Mazi. Ai bashkë me një grup të mirëpërzgjedhur do të jenë regjia e betejës për negociatat, një betejë që zhvillohet në fushën e dijes, vullnetit të mirë për ta cuar procesin para në shumë drejtime.”