Pasi ra blindi, Lulzim Basha kërkon ndërhyrjen e Policisë. FNSH futet në PD…
Pasi ra blindi i Lulzim Bashës dhe protestuesit filluan të futen në selinë e PD, Basha doli me një deklaratë për shtyp duke i bërë thirrje institucioneve ligjzbatuese të ndërhyjnë.
“Gjakderdhja duhet ndalur nga institucionet ligjzbatuese! I bëjmë thirrje institucioneve të ndërhyjnë për të shmangur viktimat e dhunës së Sali Berishës mes demokratëve!” thekson Lulzim Basha i cili ka detyruar edhe ca bashkëpunëtorë që ta shoqërojnë në aventurën e tij të çmendurisë së radhës.
Në pritje të ndihmës së Edi Ramës, mercenarët e Lulzim Bashës u morën me ruajtjen e rendit dhe qetësisë publike në selinë e blinduar të Partisë Demokratike ku pësoi edhe Kryetari i Grupseksioni në Kombinat, Alban Hoxha, nga kjo dorë kriminale.
E Policia e Shtetit duke sodisur me qetësi këtë lloj dhune si dhe përdorimin e gazit lostjellës mjaftohen me reagimin e tyre se strukturat e Policisë së Shtetit të angazhuar për garantimin e rendit dhe sigurisë nuk është përfshirë në asnjë veprim dhe nuk ka hedhur asnjë send të kundërligjshëm në selinë e PD.
Dhe, ndonëse kishin kaluar pak minuta kur Policia e Shtetit u deklarua se nuk ka ndërhyrë në selinë e PD, forcat e FNSH u futën në selinë e Partisë Demokratike me topa uji dhe efektiv të pajisur deri në dhëmbë, shoqëruar me një sasi të gazit lotsjellës që nuk është parë në asnjë protestë në botë.
Kështu, përveç Lulzim Bashës gënjeu edhe Kryeministri Edi Rama i cili premtoi estradë dhe demokratëve u dhuroi dhunë, dhunë e cila u pa se kishte filluar shumë kohë para FNSH-së, me shkopa druri dhe pompat me gaz lotsjellës që i përdorën merecenarët e Bashës, dhe vazhduan me po ato lloj pompa ti përdorin forcat speciale të Edi Ramës!
Por Edi Rama , përveç kësaj ndërhyrje në selinë e PD sqaroi shumë gjëra ndërsa vazhdoi ti shembte demokratët në dru edhe përgjatë një ore përgjatë Bulevardit Zhan D’ark dhe jo vetëm.
Lulzim Basha e kishte bërë të qartë shumë kohë më parë por vetëm sot demokratët e kuptuan se, po, nga viti 2013 kur ai u bë kryetar, kishte dualizëm në drejtimin e PD, por ai që ndërhynte, sot konfirmohet se është Edi Rama dhe jo Sali Berisha!
Deklaratë e Lulzim Bashës
Sali Berisha po rrezikon jetën e dhjetëra demokratëve me aktet e dhunës së sotme!
Me një akt të paprecedentë, mercenarët nën urdhrat e tij, po sulmojne godinën e Partisë Demokratike, duke vënë në rrezik real jetën e drejtuesve më të lartë të Partisë Demokratike në qendër dhe në rrethe, si dhe të dhjetëra demokratëve të tjerë.
Gjakderdhja duhet ndalur nga institucionet ligjzbatuese!
I bëjmë thirrje institucioneve të ndërhyjnë për të shmangur viktimat e dhunës së Sali Berishës mes demokratëve!
