Pasi shkatërroi shtetin shqiptar, Edi Rama shpall krijimin e Shtetit Bektashi

Pasi shkatërroi shtetin shqiptar, 12 vjet pas keqqeverisjes, Kryeministrit Edi Rama do ti njihet një meritë në epilogun e këtij shkatërrimi, shpallja e Shtetit Bektashi në 95 vjetorin e vendosjes së Kryegjyshatës Botërore të Bektashinjve në Shqipëri.

Ndërsa ky përvjetor do të mbahet mend edhe me abuzimin komunist që po i bënë ushtruesi i detyrës së Kryegjyshit, Baba Mondi, duke lejuar Edi Ramën të premtoj nga foltorja e kësaj ceremonie se Kryegjyshatës do t’i jepet një status i veçantë, i njejtë me atë të Vatikanin derisa nuk i kthen pronat legjitime të këtij Komuniteti që i janë marrë me pushtimin e Shqipërisë nga komunistët.

Por, deliri i Edi Ramës nuk përfundon këtu, ai iu thotë komuniteteve tjera fetare se nuk kanë arsye të shqetësohen, pasi është trajtim i merituar i një komuniteti që e ka qendrën botërore në Shqipëri.

“Nuk shkrihet dhe shuhet kurrë Komuniteti Mysliman i Shqipërisë, është i fortë dhe i madh dhe pjesë e një bashkësie 1.5 miliard, pra mjafton të shohësh kush dhe si ndërtohen xhamitë. E gjithë kjo botë myslimane s’ka nevojë të mendojë se nesër mund të jetë inekzistente.

Nuk shuhet kurrë Komuniteti Katolik dhe as ai Ortodoks, ndërkohë që ky komunitet është në rrugën e shuarjes miqtë e mi nuk është parashikim, por një gjë që dhe po ndodh para syve tanë dhe prandaj historia e bektashinjve është në vetvete thirrja imponuese për t’i dhënë Selisë së Kryegjyshatës Botërore, përmes një statusit të ngjashëm si shteti i Vatikanit, fuqinë e një embleme, e cila nuk do të përçajë askënd, e cila nuk do të kërcënojë askënd, e cila nuk do të vërë në diskutim integritetin e sovranitetit territorial të Shqipërisë. Jo Shqipëria është shtet unitar dhe jo federal.

Komunitete e tjera fetare nuk kanë pse shqetësohen është trajtimi i merituar i një komuniteti që e ka qendrën botërore në Shqipëri. Të tjerët do ta kishin shpikur edhe sikur mos ta kishin, ne e kemi dhe jemi gati ta lëmë të vdesë,” tha Edi Rama në ekstazë duke shtuar se sot e gjithë ditën qasja e bektashizmit ndaj hyjnores dhe humanes mbetet një çelës komunikimi me krijuesin përmes një porte që është e gjerë dhe e hapur për të gjithë bektashinjtë ose jo, besimtarë ose jo.

“Zemra vlen mbi dogmën, shpirti mbi ritualet, dhe unitetit mbi ndarjet. Bektashizmi nuk erdhi në Shqipëri me ushtarë, nuk erdhi të futet mes shqiptarëve me forcën e shpatës, por me zemër dhe dashuri me një mesazh rrëqethës për nga thjeshtësia, Zoti nuk është në xhami, në teqe, apo kishë, por në zemër.”

Pasi u qetësua sepse askush nga të pranishmit nuk e kontestoi, madje as manipulimin që servirën me Papa Françeskun në Vatikan, Edi Rama filloi të flas për kontributin e bektashinjve në formimin e shteti shqiptar, teqet që u bën shkolla dhe një arsye se pse alfabeti ynë është latin, kjo i detyrohet në mënyrë të posaçme teqeve, ku krijuan një rrjet të tërë të përcjelljes së mësimit të Gjuhës Shqipe.

“Pastaj kur nisi të agoi dita e Rilindjes sonë Kombëtare, teqetë u bënë shkollat shqipe. Nëse ne sot flasim shqip dhe alfabeti ynë është latin, kjo i detyrohet ndër të tjera, në mënyrë shumë të posaçme teqeve ku baballarët krijuan një rrjet të tërë të përcjelljes së alfabetit të mësimit dhe shkrimit e këndimit të Gjuhës Shqipe ku u farkëtua një pjesë e mirë e shpirtit tonë kombëtare, ku u bë bartësi i idesë dhe forcës për shpalljen e Pavarësisë.”

Duartrokitja që pasoi mund të garoj me atë të Asamblesë së Partisë Socialiste, ndërsa premtimi i Edi Ramës për Shtet Bektashi me mashtrimin e Fatos Nanos për kthimin e parave të humbura në firmat piramidale.