Pasi siguroi votat “për qejf”, Thaçi dekreton Avdullah Hotin për kryeministër

Angazhimi i Presidentit të Kosovës, Hashim Thaçi për të krijuar shumicën e Isa Mustafës për ta bërë Avdullah Hotin Kryeministër, sot përfundoi me dekretin bazuar në inatin dhe planet e Thaçit.

“Sot kam marrë një letër nga Isa Mustafa përmes së cilës ai konfirmon se i mbështet kriteret duke i përfshirë edhe sigurimin e shumicës parlamentare”, tha Thaçi duke bërë të ditur se ka firmosur dekretin i cili i propozon Parlamentit të Kosovës kandidatin për kryeministër për të formuar Qeverinë e re, pas shkarkimit të Qeverisë Kurti me mocion të mosbesimit të iniciuar nga LDK-ja.

“Kandidati nga pika 1 e këtij Dekreti, jo më vonë se 15 ditë pas emërimit, i paraqet Qeverisë para Kuvendit të Kosovës dhe kërkon miratimin e Kuvendit,” thuhet në dekret.

Ndryshe, ky dekret i Thaçit vjen pasi siguroi votat për qeveri të re dhe “ktheu” Behgjet Pacollin aty ku e kishte marrë, në Shqipëri.

Kur u pyet sot se cila ishte arsyeja që kishte shkuar në Shqipëri, Presidenti i Kosovës, u u shpreh:

Për qejf!