Pasi u përdor për shkatërrimin e PD, vettingu e flaku jashtë sistemit të drejtësisë

Komisioni i Pavarur i Kualifikimit, KPK, sot shkarkoj nga detyra gjyqtaren e Gjykatës së Tiranës, Blerina Muço.

Në seancën dëgjimore që u zhvillua ditë më parë, KPK njoftoi se i kishte kaluar Blerina Muços barrë prove mbi një pamundësi financiare në masën 10.9 milionë lekë për krijimin e cashit në llogari rrjedhëse dhe atij në banesë, si dhe për mbulimin e shpenzimeve. Bilanci negativ, nga sa u relatua në seancë, rrjedh nga mungesa e vërtetimit të ligjshmërisë së një pjese të të ardhurave të bashkëshortit të subjektit nga konsulencat juridike dhe punësimi në disa kompani.

Blerina Muço e ka nisur karrierën në sistemin e drejtësisë në vitin 1993 kur është emëruar në GJykatën e Beratit dhe prej më shumë se njëzetë vjet në Gjykatën e Tiranës. Për shqiptarët, Muço u bë e njohur së fundi si pjesëmarrëse në operacionit e shkatërrimit të Partisë Demokratike organizuar nga Edi Rama.

Dhe jo vetëm kaq! Gjyqtarja Blerina Muço është futur në analet e gjyqësorit shqiptar me vendimin që dha për të drejtën e ankimit të Enkelejd Alibeajt ndonëse nuk ishte palë në gjyq, vendim i cili erdhi pas vendimit të gjykatësit Agron Zhukri për Kuvendin e Rithemelimit të PD!

Ndërkohë që pritet zgjidhja e rrëmujës me PD që krijoi vendimi i gjyqtares Blerina Muço në Gjykatën e Lartë, për të ardhmen e saj u kujdes siç e do zakoni rilindas, kryesesja e trupës gjykuese Pamela Qirko, relator Roland Ilian dhe anëtare Brunilda Bekteshi.