Pasi u shpall në kërkim ndërkombëtar, Adriatik Llalla i drejtohet Gjykatës së Posaçme
Ish-Prokurori i Përgjithshëm Adriatik Llalla ka reaguar vetëm një ditë pasi u shpall në kërkim ndërkombëtar.
Ish-Prokurori i Përgjithshëm ka kërkuar nga Gjykata e Posaçme pezullimin e ekzekutimi të vendimit që e ka dënuar me dy vite burgim për fshehje pasurie. Çështja është hedhur në short ditën e djeshme dhe pritet të shqyrtohet nga GJKKO.
Ish-Prokurori i Përgjithshëm Adriatik Llalla i dënuar vetëm 3 javë më parë nga GJKKO me dënim të formës së prerë me 2 vite burgim, ka kërkuar të pezullojë dhe shtyjë ekzekutimin e dënimit me 2 vite burgim për, siç thuhet, arsye shëndetësore.
Ndryshe, kërkesa është paraqitur nga avokati i tij dhe pritet të hidhet në short në GJKKO.
