Pasi Vuçiç i ndërsen me luftë, serbët protestojnë kundër hapjes së Urës së Ibrit

Deri më sot serbët në veri të Kosovës ishin indiferent ndaj përplasjeve të fundit në distancë të Kryeministrit të Kosovës, Albin Kurti, dhe Presidentit të Serbisë, Aleksandar Vuçiç, por pas kumtit të djeshëm të Vuçiçit se “Kurti me hapjen e Urës së Ibrit po kërkon luftë, para zgjedhjeve në SHBA”, sot qindra serbë kanë protestuar pranë Urës kundër hapjes së saj, që bazuar në pankartat dhe kërkesat e tyre nuk bëhej fjalë as për Urë, as për lëvizje të lirë e aq më pak për sigurinë e tyre, por, për kërcënim.

“Kurti, nuk na ke larguar të gjithëve, jemi edhe shumë të tjerë!”, “Kërkojmë që KFOR-it të na mbrojë!”, “Në urë kemi mbrojtur mbijetesën, tani po mbrojmë zhdukjen!”, “Nëse Kurti e hap urën, KFOR dhe Quinti do të jenë përgjegjës për gjithçka!”, “Derisa BE dhe SHBA shkruajnë komunikata, neve na largojnë!”, “Kurti mos i shuaj institucionet serbe, por formo Asociacionin”, “KFOR ka 1244 arsye që të mos e hap urën”, theksuan qindra serbë që sipas mediave lokale serbe ishin punonjës të administratës paralele serbe, që i vunë kapak këtij tubimi të pakuptimtë ku kërkohet ndihmë nga KFOR-i që e rrahën deri në vdekje, me kërcënimin:

“Ju kemi paralajmëruar!”

Ndryshe, serbët në veri ishin tërhequr nga agresiviteti i tyre pas agresionit të armatosur të Serbisë ndaj shtetit të Kosovës, ku mbeti i vrarë një zyrtar shqiptar. Por kundërshtimi i idesë së Kryeministrit të Kosovës, Albin Kurti, për hapjen e urës mbi lumin Ibër që ndanë qytetin e minatorëve, nga Ambasadorët e shteteve të Quintit, KFOR-i, Washingtoni dhe Brukseli zyrtar, bëri që këta kriminel serbë të shfaqen sërish te Ura e Ibrit!