Pasi zhduku provat, Taulant Balla: Lulzim Basha po më shantazhon!
Pasi PD akuzoi dje për heshtjen e protagonistëve të rastit “Xhisiela” që janë denoncuar nga Nënkomisar Nuhu, ndërkohë që janë punonjësit e policisë dhe ata të SHKB-së që tregojnë se vetë se Drejtori i Policisë se Qarkut Durrës, Alfred Çepe është përfshirë personalisht në operacionin për zhdukjen e provave që implikojnë Taualant Ballën, Artri Bushin dhe Rrahman Rrajën në kërcënimin me armë të nënkomisar Emiljano Nuhut, sot Kryetari i grupit parlamentar të PS-së, Taulant Balla i kërkoi prokurorisë të hetojë menjëherë akuzat se ai ka qenë në komisariat për të kërcënuar nënoficerin Emiljano Nuhu.
“Thirrja ime ndaj prokurorisë të hetojë menjëherë serinë e radhës “Babale 2″. Nëse unë, Rrahman Rraja apo Artur Bushi kemi qenë atje? Ka plot prova për ta vërtetuar. Mjaft me hetime që zgjasin muaj të tërë. Kjo është tërësisht e zbardhshme brenda ditësh. Ju garantoj se kjo histori do të jetë histori e radhës së turpit të përfshirë në një shantazhim të deputetëve kryetarit të grupit të shumicës në kuvend, për të cilin e garantoj nuk shantazhohem kurrë. Nga Lulzimi jo e jo se me të shantazhu Lulzimi është turp.”
Balla nuk tha nëse ka qenë ose jo në komisariat, nëse ka zhdukë ose jo prova, por si zakonisht ka akuzuar e me këtë rast duke keqpërdor foltoren e Kuvendit tha se PS ka prova të qarta se Basha ka shantazhuar sipërmarrësit.
“Por ama do i them sot se grupi i PS-se javën e kaluar ka nxjerrë prova të qarta sesi Lulzim Basha duke shfrytëzuar foltoren e Kuvendit apo atë të PD-së ka shantazhuar bizneset në këmbim të parave për kompaninë e kunatit të tij. Fatket u publikuan javën e kaluar dhe do i kërkoja ministrisë së Financave dhe Drejtorisë së Përgjithshme të tatimeve të bëjnë publike të dhënat që ne kemi siguruar. Si ka mundës që një kompani mbi dy vite deklaron xhiro mbi 2 miliardë lekë vit në njërin vit paguan fitim 10 % dhe në vitin tjetër vetëm 2 %?! A është ky evazion fiskal?! Ne do ta ndjekim këtë. Mori në qafë partinë e tij dhe LSI-në,” tha Balla.
Edhe pse nuk e pyeti njeri, ai foli për vettingun në politikë duke theksuar se maxhoranca nuk do të pranojë veting të politikës pa u hetuar korrupsioni 27 vjeçar.
“PD kërkoi pazar për të ndryshuar 7 ligjet e vetingut dhe ne nuk bëhemi kurrë pjesë e pazarit në kurriz të vetingut. Nuk do të pranojmë kurrë veting të politikës pa u hetuar korrupsioni 27 vjeçar. PD ka sjellë në kuvend dy faqe letër që jo vetëm që ngrihet dru me ferra para drejtësisë por që synohet të bllokohet SPAK e Byroja e hetimit,” tha kryetari i grupit rilindas, niveli i të cilit reflekton nga ky fjalim.
