Pasqyra e Edi Ramës/ Bregu i Lumit, policët dhunojnë banorët, mediat, deputetët…

Retorika primitive që përdor Kryeministri Edi Rama ndaj kundështarëve politik, me ison që i mbanë Ish-Gjeneral Sandër Lleshaj, sot është pasqyruar në veprimet e policëve si pjesëmarrës në aksionin e IKMT te Bregu i Lumit.

Sot policët nuk kishin shkuar për të mbështetuar IKMT-në në prishjen e shtëpive por për të luftuar fillimisht me mediat, pastaj me banorët dhe në fund qershia mbi tortë erdhi me deputetët që u kapën për fyti dhe u tërhoqën zvarrë:

Pas akteve të dhunës që përdori dhe po përdor policia, Ish-Deputeti i PD-së, Klevis Balliu, tha se Partia Demokratike do të nxjerrë shumë shpejt videot e dhunës të përdorur ndaj banorëve ndërsa shtoi:

“Ndaj banorëve ka përdorur dhunë edhe vetë Shefi i Komisariatit nr. 4, Agim Hoxha. Është fatkeqësi që në 2019 qytetarët shqiptarë dhunohen në një mënyrë kaq barbare nga një shtet që supozohet të jetë shtet për qytetarët. Të mos harrojme që kjo qeveri deri dje fliste për bashkeqeverisje me qytetarët. Armiqtë e kësaj qeverie nuk janë as bandat, as vjedhja, as korripsioni por jane vetë qyetarët. Çdo ditë kemi dhunë ndaj qytetarëve. Dy ditë më parë në shtëpitë e këtyre banorëve është hedhur gaz lotsjellës. Partia Demokratike do të bëjë publike të gjitha videot ku shihet qartazi dhuna e ushtruar ndaj qytetarëve. Po ashtu edhe foto të pjesëve të trupit të banorëve të cilët janë dëmtuar. Bëhet fjalë për dhunë ndaj zonjave dhe fëmijëve të tyre,” tha Balliu duke denoncuar edhe konfiskimin e celularëve të banorëve që kishin filmuar këtë dhunë:

“Të gjithë telefonat janë konfiskuar nga policia duke fshirë çdo video nga telefonat e tyre por banorët ato video i kanë çuar për t’i publikuar ne më vonë. Kjo është nderhyrje në privatësinë e qytetarit nëse hyn për të marrë sendet e tij personale por në këtë vend nuk ka mbetur më asgje, as drejtësi, as polici. Këta janë nje grup mercenarësh të cilët përdoren me urdhër politik.”

Të jemi të qartë, tha Ish-Deputeti i PD, Klevis Balliu, projektet qe janë në të mirë te vendit janë gjithmonë të mirëpritura nga qytetarët por:

“Ajo që po ndodh këtu është se loti i pare dhe loti i dytë u shpronesuan ndërkohë që në Lotin e tretë nuk u shpronësuan. Nuk e di nëse kjo është për shkak të racizmit të qeverisë ndaj veriut pasi të gjithë banorët e Lotit të tretë janë nga veriu.”

Këtë konstatim të Ish-Deputetit të Partisë Demokratike, gazetarë e cilësuan shumët të rëndë por Klevis Balliu sqaroi tutje:

“Këtë mund ta quani ju të rëndë por racizmi i Edi Ramës për veriun njihet prej kohësh dhe është nje fakt qe Loti i tretë është i perfshirë nga banorë të veriut. Nuk e di nëse është vetëm kjo arsyeja apo fakti qe ata kanë vjedhur çdo lek të mundshëm në buxhetin e shtetit dhe nuk ka më asnjë lek për t’i dhënë banorëve. Loti 1 që është shpronësuar ende nuk ka marrë paratë. Në këtë kontekst. I bëj thirrje çdo qytetari që koha për t’u mbrojtur nga këto banda ka marrë fund. Është koha që qytetarët të bashkohen e të marrin në dorë fatet e këtij vendi. Është koha për te sulmuar krimin që ka zaptuar vendin sot. Është koha për të sulmuar krimin në pushtet.”

Dhe jo vetëm kaq!

“Edi Rama duhet të shkojë në burg. Këtu është arrestuar edhe djali i Agim Peposhit i cili ndodhet në burg sepse ka protestuar më 16 mars dhe sot këta i arrestuan djalin. Nuk e di nese mund ta kenë për shkak të racizmit.”

Në fund Klevis Balliu i bëri thirrje Avokatit të Popullit të merret me këtë çështje ndërsa foli dhe për qëllimet e errëta të Edi Ramës:

“Qeveria duhet t’i dëmspërblejë per dhunën, për shtëpitë e tyre sepse ka bëre të njëjtën gjë më lotin e parë, të dytë dhe këtë duhet ta bëjë me lotin e tretë. Këtu nuk ka vend për diskutim. Këta banorë duhet t’i drejtohen gjykates por gjykata nuk ka. Kur sistemi i drejtësisë bie, kur qeveria krijon një grup banditësh dhe mercenarësh për të sulmuar qytetarët atëherë nuk mbetet gjë tjetër veçse përballja. Nqse Edi Rama nqse kërkon luftë, lufte do t’i hapin qytetarët. Herën e fundit që këta po dhunonin në Bulevard mund te ketë qenë tërheqje e vëmendjes nga vjedhja që po bëhej në Rinas. Sot përsëri sulmojnë Bulevardin për të hequr vëmendjen ndaj anulimit të vizave me Holandën. Këta po përdorin dhunën politikisht për të hequr vëmendjen. Për të hequr vëmendjen nga vjedhjet apo dështimet e tyre. Dhe këtë e bejne duke shfrytëzuar qytetarët, policinë e shtetit. Ka ardhur koha qe qytetarët t’i japin fund një herë e mirë këtij dikatatori qe e ka emrin Edi Rama”