Pasuria e fshehur/ E besuara e Llallës ngec në Vetting, miku i Xhafajt kalon…
Komisioni i Pavarur i Kualifikimit ka dhënë sot vendimet për Ardian Dvoranin dhe Rovena Gashin, njëri anëtar i Gjykatës së Lartë, dhe tjetra prokurore e pezulluar nga detyra, por një nga ish-drejtueset e Prokurorisë së Përgjithshme në kohën kur akuza shqiptare drejtohej nga Adriatik Llalla.
Qoftë Dvorani ashtu edhe Gashi akuzohen për pasuri të fshehura, por KPK ka dhënë dy vendime krejt të kundërta. E ndërsa Dvorani është konfirmuar në detyrë, Gashi nuk ka kaluar Vettingun.
Sipas ILDKPI-së, Dvorani ka fshehur pasurinë pasi nuk ka deklaruar në vitin 2016 llogaritë bankare dhe likuiditetet. Por sipas KPK, pas verifikimeve të thelluara të bëra në të tre shtyllat e Vettingut, u vlerësua se Dvorani është i përshtatshëm për të qëndruar në detyrë.
Sipas KPK, pasuria e Dvoranit justifikohej me burime të ligjshme, edhe pse kishte disa pasaktësi të konstatuara në deklarim.
Këto pasaktësi u korrigjuan me paraqitjen e provave të vlerësuara si të mjaftueshme nga komisioni. PD tha se Dvorani është miku i familjes Xhafaj, duke aluduar se kjo është arsyeja pse kaloi Vettingun.
Ndërkohë, sipas KPK-së Gashi shkarkohet për shkak se ka fshehje dhe pasuri të pajustifikuara.
Rovena Gashi, ish-drejtuese e njësinë për dekriminalizimin në prokurorinë e Prokurorinë e Përgjithshme e njohur si krahu i djathtë i ish-kryeprokurorit Adriatik Llalla, ndërsa pasi erdhi në detyre kryeprokurorja Arta Marku e shkarkoi nga detyra.
