Patentat shqiptare përdoren edhe në Belgjikë, rregullat

Ministria e Europës dhe Punëve të Jashtme ka bërë të ditur se Belgjika ka njohur tashmë lejet e drejtimit shqiptare.

Përmes një njoftimi në Twitter, MEPJ thekson se shqiptarët që qëndrojnë në Belgjikë më pak se 3 muaj, mund të përdorin lejen shqiptare të drejtimit të automjetit.

Ndërkohë për shtetasit shqiptarë që kanë leje qëndrimi në Belgjikë, duhet të paraqiten në komunë për t’u pajisur me leje drejtimi belge në bazë të lejes shqiptare të drejtimit.

Pak javë më parë ishte Greqia që njohu patentat shqiptare.