Patriarku Irinej bënë thirrje për një Srebrenicë të re

Patriarku i Kishës Ortodokse të Serbisë, SPC, Irinej, dëshiron të nxis grigjën që të niset në luftë kundër shtetit malazez dhe të prodhojë një Srebrenicë të re, tha Mitropoliti i Kishtës Ortodokse të Malit të Zi, CPC, Mihailo duke konstatuar se ai i ka kaluar të gjithë kufijtë.

Duke rikujtuar vlerësimin e Irinejit se pozita e SPC në Mal të Zi është më keq se në kohën e Perandorisë Osmane, dhe se statusi i serbëve është si në kohën e NDH-së fashiste, Mihailo tha se një deklaratë të tillë mund ta jap një patriark në mes të Malit të Zi vetëm nëse nuk ka kurrfarë ndërgjegje për misionin e tij dhe fjalët e thëna.

Kleriku fetar, tha Mihailo, duhet të jetë fytyra e Krishtit për të qenë me dinjitet për nderin që i është dhënë, por kur është fjala për të vetët kjo nuk ndodhë:

“Kanë devijuar nga të dhjetë Urdhëresat e Zotit; urdhëresa e gjashtë që ndalon vrasjen, dhe e kanë shkelur duke dërguar popullin e tyre në luftëra kundër popujve tjerë në Bosnje Hercegovinë; urdhëresa e tetë, e cila thotë që të mos vjedhim, e kanë shkelur duke vjedhur pronën e kishës malazeze, atë të shtetit dhe popullit; urdhëresa e nëntë që të mos dëshmojmë rrejshëm ndaj të afërmit, ngjizën urrejtje ndaj neve sikur të jemi ne armiqtë më të këqinj. Ka arsye,dhe është e natyrës financiare,” vlerësoi Mihailo.

Ai konsideron se Kisha Ortodokse e Serbisë, SPC, është një ndërmarrje e mirë organizuar  e cila merret me biznes financiar dhe përgjithësisht ekonomik.

“Që kjo është e vërtetë, të dy jemi dëshmitarë gjatë viteve ‘70-të të shekullit të kaluar; unë si ligjërues në shkollën e murgjëve ”Manastir Ostrog”, e Irinej si financier i saj. Gjatë atyre viteve, në tri festat e mëdha kishtare, mblidheshin nga 90 milionë dinar. Çdo muaj, shtatë prej neve, ndër të cilët ishte edhe patriarku aktual serb, numëronim para me javë të tëra. Dhe çdo shtatë ditë, nga manastiri i Epërm në atë të Poshtëm, me kuaj transportonim para në dy  thasë, të cilët ishin mbushur duke shtypur me këmbë paratë, ndërsa ato metalike u mbushnim në një thes të tretë, i cila vihej nën samar. Për pagesat që bëheshin nga jashtë shtetit dhe dhuratat e vlefshme prej ari që i jepnin Manastirit, më mirë të mos flas. Kështu është edhe sot, vetëm se para dhe dhurata me vlerë ka më shumë. Me ato financohet e gjithë Kisha Ortodokse e Serbisë brenda dhe jashtë shtetit, madje dhe teprojnë shumë para. Kjo është arsyeja se pse Patriarkana e Beogradit fal të gjitha sulmet që i bëhen Ungjillit dhe 10 Urdhëresave të Zotit, por nuk fal sulmin mbi të ardhurat e Manastirit Ostrog,” tha Mihailo.

Me këtë rast ai vlerësoi se nuk është etike që një kishë shumë e pasur siç është SPC, dhe atë duke ju falënderuar manastireve malazeze, dhe pushtetit që e lejon, popullit të vuajtur ti predikon për kujdesin dhe të mirën e tij.

“Njëkohësisht peshkopët dhe priftërinjt lëvizin me makina luksoze dhe ndërtojnë pallate, hotele dhe komplekse turistike. Me Ligjin e ri për lirinë fetare kjo duhet të marrë fund. E patriarku duhet të angazhohet për rendin të cilin gishti i zotit e ka shkruar në tabelat e Moisiut me dhjetë fjali të thejshta, ku janë dhjetë urdhëresat e Zotit. Sepse me deklarata të këtij lloji ai ka kaluar kufijtë e misionit të tij,” përfundoi Mitropoliti i Kishtës Ortodoskse të Malit të Zi, CPC, Mihailo.