Patronazhisti i radhës “sëmuret” në burg, GJKKO liron nga paraburgimi Ish-Shefin e Qarkullimit

Ish-Shefi i Qarkullimit, Roven Zeka, është pantronazhisti i radhës i cili akuzohet për korrupsion, dhe lirohet nga paraburgimi me vendim të GJKKO-së, për arsye shëndetësore.

Zyrtarisht thuhet se ish-shefi i Qarkullimi është rrëzuar në qeli dhe ka thyer legenin. Ndonëse thuhet se ai bëri kërkesë në GJKKO për masë më të butë sigurie dhe togat e zeza caktuan ndaj tij “arrest shtëpie”, por Gjykata e Posaçme harroi se jo të gjithë qytetarët e Republikës së Shqipërisë janë dele, sepse njeriu kur thenë legenin çohet në Spital dhe jo në shtëpi.

Ndaj shefit të Rrugores është ngritur një akuzë për korrupsion dhe që ka lidhje, në fakt, me një ngjarje të rëndë, ku janë mbuluar pasojat e një aksidenti ku nga përplasja e dy automjeteve, pesë persona kanë përfunduar në spital.

Referuar të dhënave të bëra publike nga Prokuroria e Posaçme në lidhje me operacionin e kryer nga oficerët e Byrosë Kombëtare të Hetimit u mësua se tre zyrtarët e Policisë, shefi i Sektorit të Aksidenteve Sokol Novaku dhe oficeri i policisë gjyqësore Edison Tabaku, dyshohet se morën ryshfet për të mbyllur çështjen në rrugë.

Ndërkohë që asnjë institucion nuk bëri me dije se çfarë ka ndodhur me 5 qytetarët e plagosur në atë përplasje mes dy automjetesh me datë 16 prill.

Ndryshe, Ish-Shefi i Qarkullimit, Roven Zeka, është pantronazhisti i radhës i cili nuk gabon në asnjë mënyrë të sëmuret para se të korruptohet por vetëm pasi të arrestohet!