Pavlefshmëria e zgjedhjeve në Berat, PD në KAS: Votat u blenë për 50 mijë lekë!

Partia Demokratike ka paraqitur sot në Komisionin e Ankimimeve dhe Sanksioneve, KAS, provat për kërkesën e shpalljes së pavlefshmërisë në Qarkun Berat dhe ripërsëritjen e zgjedhjeve.

Përfaqësuesit e PD thanë në KAS se kandidatët Hatixhe Konomi dhe Nasip Naço kanë blerë vota me 50 mijë lekë të vjetra ndërsa ka akuzuar drejtuesit e PS në Berat se bashkëpunuan me persona me rekorde kriminale.

‘’Do të donim që në këtë rast dhe në vijim të  ndalemi në specifikat e çdo qarku, pa patur dhe për këtë, pa kaluar në përsëritje. Konkretisht tipologjitë e shkeljeve që kemi evidentuar në Berat, blerja e votës nëpërmjet bashkëpunimit me individë me rekorde kriminale. Vënia e shtetit në dispozicion për mbështetje për PS. Përdorimi i paligjshëm it ë dhënave personale. Mohimi i eemigrantëve dhe të infektuarve me COVID-19 për të votuar. Votimi i dyfishtë, familjar etj.” theksuan përfaqësuesit e PD duke kaluar në shkeljen e parë, blerjes së votës si rezultat i bashkëpunimit të drejtuesve politikë me persona me rekorde kriminale.

“Denoncuam më 7 prill në SPAK një skemë kriminale të ndërtuar nga drejtues të PS, konkretisht Hatixhe Konomi, e para në listën e PS dhe candidate për deputete, bashkë me Nasip Naçon, i katërti i PS. Këta dy shtetas, në bashkëpunim ne Mirel Konomin, dhe Lorenc Toroveli, gjatë fushatës ka pasur raste të blerjes së votës dhe skema të tjera.

Hatixhe Konomi ka blerë në Bashkinë e Beratit vota nëpërmjet lekëve apo kuponave për mjetet e ID. Nasip Naço nashkë me Lorenc TOrovelin kanë blerë vota në komunën Velabisht për 50 mijë lekë të vjetra. Kjo është sa i përket blerjes së votive. Pd ka denoncuar se në Berat nuk kishte parti që garonin, por pushtetarë që shpërndanin leje legalizimi, licenca, leje drejtimi, blinin vota e kërcënonin,” theksuan përfaqësuesit e PD në KAS duke shtuar se blerja e votave nuk u bë vetëm nëpërmjet të hollave, por edhe duke shfrytëzyar varfërinë e qytetarëve.

“Konkretisht Këshilli Bashkiak vendosi ndihmën e menjëhershme financiale prej 10 milionë lekësh të vjetra për 7 familje. Më 27 mars, në një periudhë kur ishte e ndaluar të mos nxirreshin akte për përfitime të drejtpërdrejta. Po në datën 29 mars 2021, këshilli bashkiak i Beratit miratoi një vendim që shtynte pagimin e taksave vendore. Edhe kjo praktikë është e ndaluar. Siç është denoncuar dhe më herë, dhe bërë evidente, pati denoncime edhe në Berat se dhe në OSHEE, u dha rrogë plus për gjithë punonjësit e kësaj Bashkie, me qëllim kthimin në mbështetje për PS. Rritja e pagave për punonjësit e stafeve mjekësore, shpërblimet e veçanta për mjekët e policët dhe rastet kur qeveria vendosi fonde të veçanta për popullsitë rurale.”

Më pas, strukturat e PD evidentuan një furgon që shpërndante ushqime në Berat në ëmbim të votës. Kur ky furgon u ndalua nga Policia, rezultoi se brenda ishin mallra nga Rezervat Materiale të Shtetit. Brenda furgonit ishin punonjës të Bashkisë, dhe kryetarja e rajonit nr.2, dhe anëtare  ZAZ Nr.66.

Qeveria shqiptare në total, po sigurisht edhe Beratin, akordoi 3 miliardë lekë më shumë janar-prill 2021 krahasur me 2020 ndihma ekonomike. Shpërndau 1.6 milionë euro për personat e pagave të luftës. Të gjitha këto përfitime sigurisht që nuk kishin qëllim për të ndikuar në vullnetin e lirë të qytetarëve.

Sa i përket, vendosjes së shteti në dispozicion të partisë, kemi evidentuar 22 raste së paku, ku drejtues qofshin minsitra, deputetë e kryebashkiakë vendosën fondet e investimet publike për të manipuluar zgjedhjet. Kryetarët e BAshkive Berat, Poliçan e Kuçovë për investime të ndryshme shfaqeshin publikisht.

Sa i përket intimidimit të administratës për të mbështetur PS, kemi denoncuar e faktuar që punonjësve të Bashkisë WhatsUpp iu diktoheshin urdhrat, për të pëlqyer e komentuar për kandidatët, dhe të paraqisnin lista 30-50 persona për PS.

Punsimet e reja. Përveç rasteve siç kemi denoncuar, ku vetëm në 4 muaj u shtuan mbi 10 mijë punonjës, ndërsa në 24 dhjetor edhe 2 mijë e 400 të akorduara nga qeveria.

Këshilli bashkiak i Beratit shtoi tek Drejtoria e Arsimit solli edhe 16 punonjës të tjerë. Kjo vendimmarrje nuk pati asnjë justifikim.

Mund të evidentohen dhe nga të dhënat e Ministrisë së Financave, shpenzimet ishin 63 milionë euro më shumë se një vit më parë.

Sa për legalizimet, audiopërgjimi i Artan Lames për 160 mijë legalizime, apo e dhëna publike e bërë publike se në janar-mars 2021 u dhanë 10 mijë e 3 leje legalizimi. Kemi kërkuar nga ky Komision, që në përputhje me nenin 137 të administrojnë këto prova në rastin konkret, pranë Kadastrës. Shkeljet e tjera kanë të bëjnë jo vetëm me Beratin, por gjithë qarqet. Vjedhja dhe përdorimi it ë dhënave personale,” theksuan përfaqësuesit e PD në Komisionin e Ankimimeve dhe Sanksioneve duke shtuar dhe faktin se diferenca e votave për mandatin e 5-te të PS është 77 vota me LSI, ndërkohë që ka 5292 fletë të pavlefshme ose 6.54%.

Ndryshe, përveç blerjes me 50 mijë lekë të votës, blerjes së kuponave për karta identiteti në Qarkun Berat nga PS, Partia Demokratike paraqiti në KAS edhe prova të tjera të rëndësishme që mbështesin kërkesën për pavlefshmërinë e zgjedhjeve në Qarkun Berat.

5 prova të reja për përsëritjen e zgjedhjeve në Berat

1. Vendimi i PS në Këshillin Bashkiak për shpërndarjen e 10 milionë lekëve për tërmetin në prag të zgjedhjeve. Ky fond nuk ishte parashikuar në buxhetin e bashkisë për këtë vit, por u shpërnda si mënyrë për të blerë vota.

2. PS në Këshillin Bashkiak të Beratit shtyu pagesën e këstit së taksave dhe tarifave deri pas zgjedhjeve. Edhe ky konsiderohet një akt që vendos shtetin në shërbim të PS për të ndikuar në rezultat.

3. Kapja e furgonit me ndihma nga Rezervat e Shtetit 1 javë përpara zgjedhjeve është provë e perdorimit të burimeve shtetërore për zgjedhjet për të ndryshuar rezultatin

4. Presioni i nëpunësve civilë per te gjetur secili 30-50 vota per PS-në kembim te vendit te punës.

5. Vendimi për shtimin e numrit te punonjësve të Bashkisë Berat me 16 persona.