PD: Injoroni Alibeajn! Dështon mbledhja e Grupit të thirrur nga Basha për Presidentin e Ramës

Përkundër angazhimit të madh të Lulzim Bashës dhe thirrjes së Enkelejd Alibeajt, pas reagimit të Komisionit Rithemelimit që ta injoroj këtë thirrje, mbledhja e Grupit Parlamentar të Partisë Demokratike nuk u zhvillua në mungesë të kuorumit.

Kur u bë ora 17:00 e fillimit të mbledhjes së Grupit Parlamentar të PD, i vetmi që nuk po e kuptonte se çka është Komisioni i Rithemelimit ishte Kryetari i shkarkuar i Grupit:

“Ça ishte ajo, komisioni? E ça pastaj?” tha Enkelejd Alibeaj ndërsa u pyet nga gazetarët kur po futej në selinë e PD ku kishte thirrë mbledhjen.

Për pak minuta, ai dhe 20 deputetët tjerë që iu kishin përgjigjur thirrjes së Alibeajt e kuptuan “ça është Komisioni”.  

Përpjekjet e Lulzim Bashës dhe kafexhiut të tij dështuan sepse vetëm deputetja Ilda Dhori arriti të kontribuoi në shpëtimin e Edi Ramës në procesin e zgjedhjes së Presidentit të Republikës me konsensus, por mbledhja dështoi.

I pari që e bëri publik dështimin e mbledhjes ishte Nënkryetari i Grupit Parlamentar, Ervin Salianji, ndërsa e konsideroi takim:

“Nuk ishte mbledhje e grupit të PD, por një takim për të diskutuar për situatën. Do bëjmë çdo përpjekje për të mos e ndarë Grupin parlamentar për interesa meskine. Kryesia e Grupit do të caktojë mbledhjen e ardhshme të gjithë deputetët marrin vendimmarrje në emër të Grupit Parlamentar,” tha Ervin Salianji ndërkohë Enkelejd Alibeaj refuzoi ta quaj dështim:

“Jo nuk është e vërtetë. Mbase mund të keni dëshirë por nuk është e vërtetë. I di rregullat e rregullores. Grupi Parlamentar numëron 36 deputetë. Megjithatë, për shkak se disa deputetë kishin disa impenjime të tjera. Por për interesin tuaj, edhe për deputetët e tjerë, ata që keni ndërmend, të gjitha çështjet që u diskutuan sot do t’iu ofrohen që të shprehin opinionin e tyre. Për të gjitha çështjet,” tha Enkelejd Alibeaj ndonëse shefi i shefit të tij, Edi Rama, i cili e mbanë në postin e Kryetarit të Grupit të PD, thotë se Grupi Parlamentar i Partisë Demokratike ka 44 deputetë, dhe nuk e ka vetëm fjalë; E ka Zyrtarizuar përmes Kryetares së Parlamentit, Lindita Nikolla, fakt që Bashës dhe Alibeajt nuk i intereson meqë marrëveshjet i kanë me telefon por që në faqen zyrtare të Parlamentit thuhet:

Gjithsesi, përkundër delirit të deputetëve të Kunatit, sot mbledhja e Grupit Parlamentar nuk u zhvillua sepse nuk kishte kuorum dhe ky bojkot bazuar në emrat e deputetëve që e bojkotuan nuk mund ti atribuohet vetëm thirrjes së Komisionit të Rithemelimit.

Kështu 22 deputetët që u mblodhën sot ku janë e ku s’janë për ta mbajtur mbledhje e Grupit janë: Kastriot Piroli, Orjola Pampuri, Jorida Tabaku, Dhurata Çupi, Merita Bakiu, Lindita Metaliaj, Emilja Koliqi, Seladin Jakupllari, Dashnor Sula, Zheni Gjergji, Eralda Tase Bano, Saimir Korreshi, Ervin Salianji, Kreshnik Çollaku, Enkelejd Alibeaj, Ferdinant Xhaferraj, Arbi Agalliu, Gazment Bardhi, Lefter Gështenja, Flamur Hoxha,
Andia Ulliri, Ilda Dhori.

Ndërkohë 13 deputetët duke përfshirë dhe Lulzim Bashën që nuk shkel në selinë e Partisë Demokratike të pablinduar, nuk i shërbyen sot nismës Edi Ramës për ta quajtur Presidentin konsensual dhe refuzuan thirrjen e Enkelejd Alibeajt: Grida Duma, Agron Gjekmarkaj, Flutura Açka, Alfred Rrushaj, Xhelal Mziu, Helidon Bushati, Greta Bardeli, Bledion Nallbati, Fation Veizaj, Tomor Alizoti, Zef Hila, Ramadan Lika dhe Lulzim Basha

Ndërsa 17 deputetët që nga 30 Prilli u pozicionuan në Kuvendin Kombëtar në krah të Komisionit të Rithemelimit dhe respektuan vendimet e tij edhe sot janë: Flamur Noka, Edi Paloka, Tritan Shehu, Albana Vokshi, Luciano Boçi, Edmond Spaho, Luan Baçi, Agron Shehaj, Sorina Koti, Oerd Bylykbashi, Isuf Çela, Bujar Leskaj, Belind Kelliçi, Sali Berisha, Elda Hoti, Ina Zhupa dhe Kasem Mahmutaj.

“Përshëndetje! Nesër në orën 17:00 në seli do të zhvillojmë mbledhje grupi. Faleminderit!” Ishte kjo thirrja e Sekretarit të Grupit Parlamentar të PD, Arbi Agalliu, pas mbledhjes së Konferencës së Kryetarëve ku procesi i diskutimit për Presidentin e Republikës u shty për në datën 10 maj, ku Kryetari Enkelejd Alibeaj njoftoi një mbledhje të Grupit Parlamentar të demokrat për të diskutuar për qëndrimin që do të mbajë opozita në lidhje me Presidentin, që u pasua nga reagimet e forta të Kryesisë së Grupit që thotë se nuk u pyet fare si dhe nga Komisioni i Rithemelimit.

Thirrjen e mbledhjes së Grupit Parlamentar të PD nga Enkelejd Alibeaj, Komisioni i Rithemelimit e konsideroi fyerje të rëndë për të gjithë demokratët dhe një akt të paligjshëm ndërsa i bëri thirrje të gjithë deputetëve të PD të injorojnë këtë thirrje dhe të mos bien pre e lojrave Rama-Basha-Alibeaj me fasadë opozitë dhe axhendës së tyre antidemokratike.